Voal-onlinë -Zëarta Celine Dion kishte probleme të rënda me një përndjekës. Një burrë 41 vjeçar është arrestuar këto ditë për arsye të këngëtares së „Falling Into You“. Ai kishte kërcënuar se nëse këngëtarja nuk pranonte të takohej me të atëherë do të kishte punë me të shoqin e saj

Voal-online – Bukuroshi amerikan Ben Affleck do të ketë patjetër një djalë, e do me çdo kusht, me çdo çmim. Aktori kishte shpresuar më kot se do të bëhej me djalë, por gruaja e tij, aktorja Jennifer Garner, muajin e shkuar solli në jetë vajzën e tyre të dytë, Seraphina Rose. Affleck prapë është i vendosur që familja e tij të zgjerohet më tej vazhdimisht derisa të bëhet me djalë. Vajza e madhe e çiftit, Violet, është trivjeçare. Një njeri i brendshëm thotë: „Ben nuk e ka problem sa do të shkojë numri i pjesëtarëve të familjes, derisa të lindë djali. Ai ëndërron që biri i tij të veshë kostumin e klubit Boston Red Sox'-Outfit, të luajë atje beisboll dhe të përjetojë kënaqësinë e brohoritjeve të publikut. Pa çka se 33 vjeçarja Jennifer Garner nuk dëshiron të ketë fëmijë të tjerë, Ben është i sigurtë se ajo nuk do të jetë kundër dëshirës së tij.

Voal-online – Ka edhe foto që janë të destinuara që të bëjnë xhiro nëpër botë, siç mund të jetë ajo e kampionit amerikan të botës në not, të famshmit Majkëll Felps (Michael Phelps) të cilin paparacët e kanë fiksuar duke tymosur kanabis. Ky skup është botuar në revistën britanike "News of the World", e cila veç të tjerave merret edhe me hipotezën për një skualifikim të mundshëm për konsum dopingu të superkampionit të lojrave të Pekinit, i cili ka fituar tetë medalje të arta. Fotoja është shkrepur nëntorin e shkuar, gjatë një feste në Univeristetin e Karolinës të Jugut, ku kampioni kishte marrë pjesë për të takuar një shoqen e tij, Jordan Matthews. Në foto Phelps afron në gojë  një tub të xhamtë që përdoret për të thithur kanabis. Në këtë galeri janë edhe fotot e kampionit botëror të notit gjatë vizitës së tij më të fundit në Arabinë Saudite.

Voal-online - Përsëri në qendër të vemendjes Cecilia, ish-bashkëshortja e presidentit të Francës Sarkozi, tash e martuar me publicistin dhe botuesin Richard Attias. Nuk është fjala për ndarje apo për një divorc të ri, as për sagat e saj sentimentale, por sepse kësaj here shtëpia e zonjës francese në Paris në lagjen Neuilly-sur-Seine, është vizituar nga vjedhësit, të cilët janë larguar prej andej me një vlerë prej 500 mijë eurosh, duke marrë me vete xhevehiret e ish-zonjës të parë. Sipas gazetetës francese Le Parisien, vjedhja është bërë në fillim të janarit, por lajmi është bëri i njohur vetëm tani, në shtëpi nuk jetonte askush, as edhe ndonjë mace, pasi Cecilia dhe bashkëshorti i saj jetojnë në Dubai, kështu që hajdutët kanë hyrë me lehtësi të madhe, duke thyer vetëm një xham të dritares. A është e shqetesuar Cecilia pas kësaj. S’na e ha mendje sepse xhevahiret e saj duhet të jenë të siguruar.