VOAL - Online Zëri i Shqiptarëve - Sot në Prishtinë i zhvillon punimet Konferenca njëditore e Lidhjes Demokratike të Kosovës mbi orinetimet strategjike të kësaj partie

Në punimet e paradites, të cilat do të jenë të hapura, pritet të bëhet prezantimi i dokumentit kësaj strategjie si dhe mënyra për vazhdimin e punës në grupe punuese sektoriale. Sipas zyrtarëve të LDK-së, kjo konferencë do të jetë e "rëndësishme dhe i atribuohet përgatitjes, nxjerrjes dhe dhënies së shumë ideve për ndërtim dhe përtrirje dhe për programin e ri të Lidhjes Demokratike të Kosovës, për një periudhë relativisht më të gjatë për të ardhmen". Gjithashtu kjo konferencë organizohet në kuadër të 20 vjetorit të themelimit të Lidhjes Demokratike të Kosovës dhe kontributit të saj të madh për lirinë dhe pavarësinë e vendit. Gjatë konferencës pritet të nxirren ide, propozime, variante për për një program më përfshirës, më të qëndrueshëm dhe i cili do t'u përgjigjet sfidave të reja, duke qenë se LDK ja është bartëse e progresit të madh në institucionalizimin e punës së vazhdueshme të aspiratave të popullit. Në përfundim të konferencës pritet të nxirren konkluzione të cilat do të jenë kontribut i rëndësishëm për punën në ridisenjimin e programit që pretendon të japë përgjigje ndaj sfidave për një periudhë më të gjatë kohore. Programi i ri do të përfshijë vlerat e dëshmuara të LDK së, që do të jetë edhe motoja e gjithë organizimeve dhe të vizionit të ri të LDK së që do të shërbejnë si një bazament i mirëfilltë për vazhdimësinë e punës dhe të kontributit të LDK së për ndërtimin edhe ngritjen e shoqërisë kosovare në rrethana të reja pas aktit madhor të shpalljes së pavarësisë.