Nga Shaban PERAJ

Dukuria e mosçuarjes deri në fund e shumë proceseve politike të nisura mbarë, përveçse i kënaq interesat strategjike të armiqve tanë, ajo karakterizohet edhe me bekimin dhe përkrahjen e parezervë të elitës sonë politike. Se çfarë ishin pasojat politike në të kaluarën historike kjo tashmë dihet, ajo që nuk dihet për momentin është stopimi i kësaj mosçuarjeje deri në fund të amanetit të atyre që u flijuan për të mirën e kombit pa menduar fare për pasoja, dhe kjo mbetet të shikohet. Dukuritë anomale në rrethin politik të shqiptarëve në Mal të Zi të bëjnë për të qeshur (kjo më tepër nga marazi) karshi çoroditjeve të paraqitura që i ka opinioni i këtushëm shqiptar gjoja se shumë kërkesa i bëjnë sipas rekomandimeve të atyre që jetojnë e veprojnë jashtë këtyre rrethanave pa u konsultuar e pa u marrë vesh brenda vetë korpusit politik për mbarëvajtje të mirëqenies qytetare.

TIRANE- Pavarësisht shqetësimeve të lindura në lidershipin e NATO-s për anëtarësimet e reja në samitin e prillit për shkak të Kroacisë, Ambasadori amerikan në Tiranë, Withers ka deklaruar fare qartë se Shqipëria do të bëhet pjesë e Aleancës. I ndodhur në një tryezë me politikanë të majtë e të djathtë, Withers ka përsëritur dy herë si për të dhënë garanci se në më pak se dy muaj, Shqipëria do të jetë pjesë e NATO-s me të drejta dhe privilegje të barabarta.
Deklarata e Withers vjen pak më shumë se një muaj përpara kohës kur pritet të mbahet dhe samiti i Strazburgut kur Shqipëria dhe Kroacia priten të bëhen anëtarë të Aleancës. Sekretari i përgjithshëm i NATO-s gjatë një takimi në Poloni me ministrat e mbrojtjes së vendeve anëtare të aleancës ka shprehur shqetësimin për Kroacinë pas përpjekjeve në Slloveni për të ndaluar këtë proces.