Voal-online – Zürich - Roman Polanski është ndaluar në Zvicër nga policia, sipas një urdhër-arresti ndërkombëtar, lëshuar nga autoritetet e SHBA-ës. Regjizori do të duhej të merrte mbrëmjen e sotme një çmim nga Festivali i Kinemasë të  Zürich-ut, por ceremonia u shty. Regjizori që prej vitesh jeton në Paris, është dënuar në vitin 1978 nga SHBA-ës pasi kishte pasur marrëdhënie seksuale me një trembëdhtejtë vjeçare. Dhe prej asaj kohe ai nuk shkel më në tokën Amerikane. Por kësaj here problemet me drejtësinë Amerikane e kanë ndjekur dhe gjetur deri në territorin zviceran.

Konferenca e fundit për media në Kosovë e aktores së njohur britanike, Vanesa Redgrejv, duket se u shndërrua në një moment mjaft emocional për 72-vjeçaren, e cila erdhi në Kosovë në kuadër të festivalit të filmit “Prishtina Interneshënell Film Festival”.

Skulptori kosovar, Luan Mulliqi, ia dorëzoi fitueses së çmimit Oskar një dhuratë - një skulpturë, e cila simbolizon nënat shqiptare, të cilat vazhdojnë t’i kenë të zhdukur familjarët e tyre.

Me afrimin e përvjetorit të shembjes së Murit të Berlinit është koha që ish-udhëheqësit të reflektojnë për rolin e tyre në një nga ngjarjet më të rëndësishme të shekullit të 20-të - rënies së komunizmit në Evropën Lindore.

Dhe asnjë tjetër nuk është më i përshtatshëm për të folur për këtë sa udhëheqësi i fundit i Bashkimit Sovjetik, Mihail Gorbaçov, konceptet e të cilit për Glasnost-in (Hapje) dhe Perestroika-n (Ristrukturim), bënë aq shumë, megjithëse pa dashje, për t'i rënë këmbanave të vdekjes për sistemin komunist.

Ai mbron politikat e tij që i dhanë fund Luftës së Ftohtë dhe thotë gjithashtu se udhëheqësit perëndimorë ishin përpjekur që ta bënin atë të bllokonte ribashkimin e Gjermanisë. Duke folur në një intervistë për BBC-në zoti Gorbaçov flet për atë se çfarë ka pasur të gabuar në mënyrën se si është udhëhequr Rusia atëhere - dhe tani.

Personi që vlerësohet si shpëtimtari i miliona vetëve nga uria në vitet ’60 dhe ’70, vdiq këtë muaj në moshën 95 vjeçare. Norman Borlaug fitoi Çmimin Nobel të Paqes në vitin 1970 për punën e tij novatore në krijimin e varieteteve të reja të grurit që i rezistojnë sëmundjeve. Reportazhi në vazhdim na njeh me kontributin e këtij amerikani të madh që njihet si babai i Revolucionit të Gjelbërt në bujqësinë globale:

Në Afganistan preokupimi kryesor i zyrtarëve të bujqësisë aktualisht është mbrojtja e grurit nga një kërcënim i ri, një sëmundje që njihet me kodin U-G 99, e cila ka shkatërruar grurin në Afrikë dhe po përhapet në Azinë qendrore.

Edhe në të 90-at, Norman Borlaug i përgjigjej thirrjes për ndihmë. Ai kryesonte një institut që punonte kundër sëmundjeve të kulturave bujqësore:

“Ky është një lloj i ri i ndryshkut të kërcellit dhe ka fuqinë të shkatërrojë varietete gruri në të gjithë botën".

Zotin Borlaug, kjo punë e kthen në profesionin e tij. Ai e filloi punën në vitet ’40 në Meksikë, duke krijuar varietete gruri që kishin imunitet ndaj një ndryshku që kishte shkatërruar kulturat bujqësore në atë vend.

Voal-online -Patrick Swayze premtoi se nuk do ta zinte ngushtë Baby-n. Kjo fjali e nënvizuar dhe hapat e hatashëm të kërcimit, kimia e përkryer midis tij dhe partneres Jennifer Grey I çoi fluturim të dy aktorët e rinj në sferën e lartë të yjeve me filmin Dirty Dancing.

"Kur mendoj për të, mbaj mend veten në krahët e tij, kur ne ishim të njomë, tek kërcënim, tek praktikonim piruetat në liqenin e ngrirë, tek përjetonim kënaqësinë e këtij filmi të vogël që ne mendonim se askush nuk do ta shikonte ndonjëherë,” thotë Grey duke kujtuar Swayze.

Grey, 49 vjeçe, thotë se Swayze ishte një “kauboj i vërtetë me një zemër të butë”, i cili nuk ndjente frikë tek bënte figurantin e vetvetes “prandaj nuk habimet me trimërinë dhe dinjitetin që tregoi përballë kancerit”.

“Patrick ishte një ndërthurje e rrallë dhe e bukur e burrërisë së vrazhdë dhe hireve magjepsëse,” shton ajo. “Zemra ime është tani me gruan e tij dhe të fejuarën e rinisë së tij Lisa Niemi, me nënën e tij Patsy dhe pjesën tjetër të familjes.”