VOAL - Online Zëri i Shqiptarëve - Nga ditari i gazetares në FacebookKJO NUK ËSHTË SHQIPËRIA E ËNDËRRAVE TONANga ELIDA BUÇPAPAJ

11 Dhjetor 2012
Sot nga televizionet e dhe gazetat e Tiranës dëgjojmë zërin e Vito Kapos që po na prrallis! Dhe pastaj thonë se kemi 22 vjet që kemi përmbysur diktaturën! Media trushplarëse dhe gazetarë klientë të tutorëve oligarkë dhe partiakë.

12 Dhjetor 2012
Regjimi i diktatorit Enver Hoxha ishte një regjim totalitaristo-stalinist, që ashtu si Stalini dhe regjimet motra përmes terrorit të kuq, genocidit dhe klasicidit kanë ekzekutuar miliona viktima, ndërsa miliona të tjera i kanë burgosur, dërguar nëpër kampet e "riedukimit" ku përmes torturave çnjerëzore i kanë depersonalizuar. Stalinizmi quhet edhe fashizëm i kuq. Hitleri e adhuronte Stalinin, Enver Hoxha e adhuronte Stalinin dhe ishte stalinisti më i egër.Shqipëria ishte vendi i fundit në Europë që e hoqi shtatoren e Stalinit nga Bulevardi Dëshmorët e Kombit! Regjimi diktatorial në në Shqipëri, nuk përfaqësohej vetëm nga një njeri, vetëm nga Enver Hoxha, por nga të gjithë bashkëpunëtorët e tij të ngushtë, klasa udhëheqëse, që përbënte superstrukturën. Të mbash qëndrim ndaj diktaturës të Enver Hoxhës nuk do të thotë të dënosh punonjësit e thjeshtë apo njerëzit e ndershëm, por të mos lejosh që eksponentë të saj, të riciklohen në shtetin e së drejtës!

13 Dhjetor 2012
Një shtet që nuk i mbron shtresat vulnerabile, që i le në mëshirë të fatit gratë dhe fëmijët, e moshës të tretë, asaj më të përvuajturës i jep vetëm 100 Euro pension në muaj, duke u krenuar rrejshëm dhe me festa histerike se mesataren e të ardhurave e ka ngritur në 9000 Euro, më thoni çfarë shteti është ky!

14 Dhjetor 2012
"Për festat e fundvitit, qeveria shqiptare do të shpërblejë administratën publike me 10 mijë lekë të reja, ndërsa nuk do të shpërblejë pensionistët." Ky është lajmi i hidhur. Deri sot, kur ky lajm nuk ishte përhapur e botuar në gazetat e Tiranës, më tepër se gjysmë milioni pensionistë sa ka Shqipëria në qytet e fshat ishin me shpresë se qeveria, e cila rrogën e muajit e ka 20 herë më të lartë se pensioni i tyre mjeran, ta vinte gishtin në kokë dhe dorën në zemër e të tregonte minimumin e mirënjohjes për këtë shtresë në nevojë, aq më tepër kur mendon se edhe kryeministri i Shqipërisë tashmë ka hyrë në moshën e tretë, çka të bën të mendosh se do duhet të bëhet edhe më i ndjeshëm ndaj bashkëmoshatarëve të tij që me të ardhurat e tyre minimale nuk kanë mundësi as të blejnë gjelin e detit apo të gëzojnë në mënyrë minimale por me dinjitet diçka që e meritojnë shumë më tepër se administrata e lartë, sepse kanë punuar me ndershmëri gjithë jetën e tyre. Gjithësesi uroj që le të jetë një "lapsus" i gazetave dhe lajmi të jetë i rremë, ose nëse jo, që qeveria e Tiranës t'i thërrasë mendjes dhe ta vejë në punë atë pragmatizmin e vet makiavelian e le ta dijë se këta 500 mijë njerëz më 23 qershor nuk do të votojnë për të! (Më datën 19 Dhjetor me vendim qeverie u jepet rreth 570 mijë pensionistëve 20 mijë lekë të vjetra për festat e fundvitit.Paçka se ishte një ndihmë qesharake, pashë me dhimbje se ajo u mirëprit nga pensionistët. Merreni me mend se ku jemi ! Sepse t'u japësh 100 Euro pension mujor, kur Greqia u jep minoritarëve në Shqipëri 390 Euro në muaj plus sigurimin shëndetësor plus edhe 100 Euro pensioni që minoritarët marrin në Shqipëri, do të thotë që t'i trajtosh 570 mijë shqiptarë si skllevër.)

18 Dhjetor 2012

21 dhjetori 2012 do të jetë "just an other day" - "një ditë tjetër si te tjerat" - kështu thotë NASA!

19 Dhjetor 2012
Të nderuar miq, përpara disa netësh, në një kronikë të Top Top-Channel shumë prej nesh pamë një skenë apokaliptike, ku në një fshat të Pukës, një trumbë fëmijësh ushqeheshin me bukë e kripë. Ata ishin me këmbë të zbathura dhe duar të mardhura mbi një sobë si karakatinë me dru të pakët. Këta fëmijë kishin fytyra ëngjëllore dhe kush i pa dhe pati zemër u kaplua prej një pikëllimi të thellë. Kush i pa ato fytyra të bukura në ato kushte aq dramatike, nuk do të duhej ta kishte zënë gjumi dhe të nesërmen me mëngjes do të duhej të ishte nisur në atë fshat të Pukës për të dhënë diçka nga rehatia e tij. Dr. Perparim Kabo, nga elita e teknicienëve akademikë, i ftoi në profilin e tij në Facebook, të gjithë ata shqiptarë, të cilët u përlotën prej asaj skene që u panë sytë, të takoheshin dje mbrëma tek Universiteti Luarasi në orën 18:30 për të sjellë me vete diçka që ua thoshte zemra. Unë mendova se tek Luarasi do të ishin mbledhur të paktën disa qindra vetë, në mos mijra, ashtu si mblidhen nëpër mitingje idiote, kur shtetin e së drejtës e ka marrë rrokullima, sepse shteti i së drejtës nuk lejon kurrësesi që fëmijëve shqiptarë t'u mungojnë mjetet minimale të jetesës për një jetë me dinjitet. Por mjerisht, tek Luarasi shkuan vetëm dy njerëz, Elida Prenika me të shoqin e saj dhe askush tjetër, sikur në botën tonë shqiptare vetëm këta dy njerëz paskan shpirt njerëzor, ndërsa ne të tjerët jemi zero me xhufkë! Ishte turp për ne të gjithë që nuk shkuam tek Luarasi, por që virtualisht japim leksione dhe bëjmë moral. Këta jemi ne! Ashtu si nuk duhet të jemi, sepse ata fëmijë që dridheshin nën natën e acartë të dimrit nuk duhet të na lenë të vemë gjumë në sy, dhe sa herë t'i shohim në sy fëmijët tanë, ne duhet të kujtojmë sytë e atyre vocrrakëve që në mënyrën më të pafajshme të botës habiten me indiferencën tonë! Po çfarë presim tjetër ?! Lëvizni njerëz, lëvizni shqiptarë tregoni se në dejet tuaja rrjedh gjaku i Nënë Terezës dhe bëni diçka që t'ua zbukuroni jetën atyre voglushëve! Po të shkoni tek ta do të bëni sevap, po të shkoni nëpër mitingje, të cilët pas 22 viteve demokraci lejojnë drama të tilla migjeniane, bëni mëkat!

20 Dhjetor 2012
Global Financial Integrity (GFI) ka publikuar dje raportin mbi transferimin e paligjshëm të parave,sipas të cilit nga Shqipëria janë larguar 1.3 miliardë dollarë në vetëm 5 vitet e fundit. Sipas GFI. Në këtë hark kohor, largimi i parave është kryer përmes korrupsionit, evazionit fiskal apo aktiviteteve të tjera ilegale. Sipas GFI, "Kjo është një sasi e madhe parash për një shtet si Shqipëria, sepse nëse këto para do të kishin qëndruar brenda vendit, mund të ishin përdorur në infrastrukturë, arsimim, apo në lehtësimin e varfërisë tek pjesa e varfër e popullsisë". Ky raport vjen disa ditë pas atij të Transparency International ku Shqipëria renditet e para në rajon për nivelin e korrupsionit. Quo vadis kështu Shqipëria dhe ku shkojnë kështu politikanët e Shqipërisë, kur deri më sot drejtësia shqiptare nuk ka dënuar asnjë peshk të majmë, duke e kthyer korrupsionin në çështje tabu. Kultura e pandëshkueshmërisë është kthyer në sistem duke rrezikuar të ardhmen e demokracisë dhe fatet e vendit ! A duhet të lejojmë që maskarenjtë, dallkaukët, të cilëve gabimisht u kemi dhënë votën tonë të vazhdojnë e të pasurohen, ndërsa mbi 570 mijë pensionistë të jetojnë me minimumin ekzistencial, ndërsa varfëria të jetë kthyer në gangrenë ? Të gjithë ne shqiptarët, kur rrëzuam sistemin, 22 vjet më parë, ëndërruam për një Shqipëri si gjithë Europa, por kjo që po ndodh në Shqipëri është një përçudnim i ëndërrave tona!

21 Dhjetor 2012
Ata gazetarë që punojnë pranë mediave qeveritare ose të oligarkëve dhe sa çelim sytë, nga vilat e tyre lluksoze, na këndellin me kotësira, ndërsa mbyllin sytë përpara realitetit këlthitës - më thoni çfarë janë?

22 Dhjetor 2012
Dje Ridvan Bode, raportit të GFI se në 5 vitet e fundit nga Shqipëria kishin dalë në mënyrë të paligjëshme 1.3 miliardë $, pare e zezë, në vend që të ulte kokën dhe të rrinte sus, sepse ky raport denonconte shkallën e lartë të korrupsionit të zyrtarëve të lartë të administratës publike, pjesë e të cilës është si maxhorancë partia e tij, gjeti të udhës të mbrohej duke sulmuar PS, ku sipas Bodes gjatë qeverisjes të PS nga Shqipëria dilte për çdo vit 1.3 miliardë $ pare e flliqtë! Mos Ridvan Bode kërkon kësisoj që GFI ta lavdërojë dhe votuesit shqiptarë t'i shtrëngojnë duart këtyre hajdutëve të sodit që vjedhkan 1 miliardë Euro në çdo pesë vjet, sepse qënkan më të mirë se ata hajdutët e paskan vjedhur 1 miliardë Euro në çdo vit?!

22 Dhjetor 2012
Sot miqtë dhe shokët lajmëruan ikjen nga kjo botë të njërit prej grevistëve të urisë, 73 vjeçarit Shpëtim Karamuça,26 vjet i burgosur politik, i cili iku nga kjo botë duke u ndjerë i përndjekur edhe në tranzicion. Në intervistën e tij të fundit ai thotë: "Kur isha 4 vjeç më vranë nënën pa gjyq ndërsa babanë ma pushkatuan. Unë bëra 26 vite burg dhe gjithë jetën jam i përndjekur - jam me kancer në laringit, nuk kam mundësi të mjekohem dhe nga greva nuk largohem pa marrë dëmshpërblimin." Në fakt, Shpëtim Karamuça u largua edhe nga greva e urisë edhe nga jeta dhe shtetarët shqiptarë ndofta ndihen të çliruar prej vdekjes së tij tani, por demokracia Shqiptare është e rrezikuar me jetë! Ikja nga kjo botë e Shpëtim Karamuçës, e Lirak Bejkos edhe qindra e qindra të burgosurve të ndërgjegjes pa u dëmshpërbyer as moralisht dhe as materialisht, është aktakuzë në ndërgjegjen e klasës politike, shtetit, qeverisë, elitës të Shqipërisë dhe masmediave!

23 Dhjetor 2012
Të mërkurën ndoqëm tek Top Channel të dy me Skënderin pjesën e parë të dokumentarit të Sokol Ballës "Faik Konica, portreti i një shqiptari". Gazetari i mirënjohur Sokol Balla kishte zgjedhur si shok të udhës për të zbuluar hap pas hapi portretin e Shqiptarit më të famshëm të shekullit XX, Ilir Ikonomin, gazetar i Zëri të Amerikës, i cili është autori i librit "Faik Konica në Washington". Faik Konica shkriu pasurinë për të bërë Shqipërinë, në antitezë të plotë me politikanët sot, të cilët e rrjepin, e zhvatin dhe e shqyejnë Shqipërinë për t'u pasuruar. Dokumentari kishte disa pika kulmore. Njëra prej tyre kur At Liolini dhe një historian amerikan hedhin dritë në figurën e Nolit, "mikun dhe armikun" e Konicës, por kulmi i këtij dokumentari arrin kur teleshikuesi përmes ekranit shkon në Konicë, vendlindjen e Faik Konicës dhe ndalet pikërisht në shtëpinë e tij të lindjes, e cila i ngjan një kështjelle të rrënuar por të mbijetuar, sepse për çudi porta e shtëpisë qendron e bukur dhe stoike sikur posa të jetë ndërtuar. Shtëpia e familjes të Konicës është ndërtuar në prag të pavarësisë të SHBA, pra rreth 1770, ndërsa Faik Konica ka lindur në vitin 1875, pra një shekull nga pavarësia e SHBA. Atë botë Konica ishte shqiptare, e famshme sepse aty kanë lindur Ali Pashë Tepelena e Faik Konica. Në fakt ka lidhje gjaku midis të dyve, por problemi sot nuk është këtu, problemi është tek Kështjella e Faik Konicës, e cila i reziston dhe sfidon fatin, në një mbijetesë tragjike deri sot, në pritje të një shqiptari të ndershëm, i cili në vend që të investojë apo të blejë vila nëpër botë, t'i thërrasë ndërgjegjes e le ta blejë e restaurojë shtëpinë e Faik Konicës, si monument kulture dhe pjesë e trashëgimisë. Ky ishte apeli që bëri Sokol Balla, të cilit duhet t'i bashkohemi të gjithë, sepse Faik Konica është njëri nga Etërit e pavarësisë të Shqipërisë dhe Arkitekti i Shqipërisë Moderne. (Nëse doni ta dëgjoni me veshët tuaj dhe ta shihni me sytë tuaj portën e paprekur të shtëpisë në këto vite rrënim dhe harrim, shiheni dokumentarin e Ballës, i cili transmetohet sot në orën 14:00).

BE ME REFUZIMIN E TRETË, NXJERR JASHTË LOJE SI SHKAKTARE KLASËN POLITIKE TË SHQIPËRISË
Nga ELIDA BUÇPAPAJ
E Premte, 12.07.2012, 01:41pm

NGA BERISHA DHE RAMA VJEN SHOW POLITIK DHE INFANTILIZËM SHTETFORMUES
Nga ELIDA BUÇPAPAJ
E Mërkurë, 12.05.2012, 02:44pm

DIKTATURA KA KRYER PATRICID NDAJ BABALLARËVE TË KOMBIT - I KA VRARË, SYRGJYNOSUR, LËNË NË HARRIM E MALLKIM PËR 70 VJET
Nga ELIDA BUÇPAPAJ
E Hënë, 11.26.2012, 11:03am
OPINIONI PUBLIK ËSHTË I PAMANIPULUESHËM, MARRË SHKAS NGA INTERVISTA E REXHEP QOSJES TEK TOP CHANNEL
Nga ELIDA BUÇPAPAJ
E Mërkurë, 11.21.2012, 12:03pm

GORDON JEHONË APELIT TË ZONJËS KLINTON PËR BERISHËN E RAMËN Washingtoni mesazhe politikës. Në interes të kombit shqiptar votimi në Kuvend i ligjeve të kërkuara. Pa asnjë kusht
Nga ELIDA BUÇPAPAJ
E Mërkurë, 11.14.2012, 02:48pm
Kuvendi i Shqipërisë nuk e mbajti as një minutë heshtje për Lirak Bejkon
DEPUTETËT E KUVENDIT TË SHQIPËRISË JANË LILIPUTË PËRPARA LIRAK BEJKOS
Nga ELIDA BUÇPAPAJ
E Premte, 11.09.2012, 10:31am

E PATOLERUESHME ARROGANCA E SHUMICËS NDAJ KËRKESAVE TË SHBA E BE PËR DIALOG!
Nga ELIDA BUÇPAPAJ
E Enjte, 10.18.2012, 11:08am
ME PËRKUSHTIM, DY MIQVE TANË, AKADEMIK MARK KRASNIQIT DHE HUMANISTES RITA SALIU
Nga ELIDA BUÇPAPAJ
E Djelë, 10.14.2012, 09:33am

200 VJET BURG 22 VJET TRANZICION, TË PASHPËRBLYER, TË PAREHABILITUAR DHE TË MARGJINALIZUAR
Nga ELIDA BUÇPAPAJ
E Mërkurë, 10.10.2012, 09:18am
PRESIDENTJA JAHJAGA TA LARGOJË RAMUSH TAHIRIN NGA STAFI I SAJ PAS DEKLARATËS SKANDALOZE TË KËTIJ TË FUNDIT SE STRUKTURAT PARALELE JANË LEGJITIME!
Nga ELIDA BUÇPAPAJ
E Shtunë, 10.06.2012, 12:45pm

HESHTJA KRIMINALE E SHTYPIT DHE MEDIAVE TË TIRANËS NDAJ GREVISTËVE MOS HARRONI SE INDIFERNCA VRET!
Nga ELIDA BUÇPAPAJ
E Mërkurë, 10.03.2012, 09:25am
BERATI, QYTETI I ONUFRIT E KODIKËVE PO RILIND ME UNIVERSITETIN E RINga ELIDA BUÇPAPAJ

ZVICRA FITOI ME SHQIPTARË, POR SHQIPTARËT ISHIN FITIMTARË NË ZVICËR!
Nga ELIDA BUÇPAPAJ

AMBASADORI REEKER E LË NË FUND EDI RAMËN DUKE I DHËNË MESAZHE TË QARTA POLITIKËS - OSE KRYENI REFORMAT, OSE IKNI!
Reeker takohet me kryetarin e bashkisë së Kasharit përpara se me liderin e opozitës Rama
Nga ELIDA BUÇPAPAJ<
E Djelë, 09.09.2012, 02:10pm

REPLIKË ME TË GJITHË ATA QË I KONSIDEROJNË LIDERËT SHQIPTARË TË PAGABUESHËM!
Nga ELIDA BUÇPAPAJ
E Premte, 08.17.2012, 09:41am

VIKTIMAT E KOMUNIZMIT, MBETUR PA VARR E DREJTËSI, AKUZOJNË KLASËN POLITIKE SHQIPTARE
Nga ELIDA BUÇPAPAJ
E Mërkurë, 08.15.2012, 09:26am

SHKARKIMI I SHEFIT TË SHISH VEPRIM AUTODESTRUKTIV I SHEFIT TË EKZEKUTIVIT TË SHQIPËRISË
Nga ELIDA BUÇPAPAJ

E Premte, 08.10.2012, 10:16am