VOAL - Online Zëri i Shqiptarëve - SHPEND MOS U ÇMENDNga SKËNDER BUÇPAPAJ

Është fjala për kryetarin e ri të komunës së Prishtinës, Shpend Ahmetin, befasinë më të madhe të zgjedhjeve lokale të 3 nëntorit në Kosovë.

Shpendi mbylli të premten të gjitha institucionet arsimore nën juridiksionin e tij në kryeqytetin e Kosovës, që nga çerdhet e kopshtet, deri tek shkollat e mesme dhe të larta. Pse? Sepse nafta që përdorej për ngrohje përmbante lëndë helmuese në përqindje më të lartë se është e lejueshme.

Vendimi bëri bujë. Ishte ngatmendjes për diçka që nuk mbahet mend se kur ka ndodhur në Kosovë. Pasi nga analizat e kryera nga Instituti Kombëtar i Shëndetit Publik rezultoi se lënda djegëse e përdorur për ngrohje në institucionet arsimore të kryeqytetit nuk është e dëmshme, ishte po aq ngatmendjes që të merrnin fund edhe ndërdyshjet e kryetarit të ri të komunës së Prishtinës.

Përkundrazi, ato janë shtuar. Shpend Ahmeti mendon se rasti do trajtuar si mashtrim: së pari, ngaqë lënda e lëngshme i është shitur komunës si naftë, ndërkohë që nuk ishte naftë, së dyti, ngaqë kompania që ia shet komunës këtë lëndë nuk është e licensuar për importin e vajrave djegëse.

"Prandaj, iu thotë mediave Shpendi, po mundohemi të zbulojmë krimin ekonomik.!!" Për këtë ai i ka dërguar kampionet (mostrat) për analiza të reja në institucionet ndërkombëtare dhe jashtë vendit. Në kontradiktë të plotë me Ministrinë e Tregtisë dhe Industrisë, Shpendi kërkon t'ia bëjë transparencën këtij dikasteri, qeverisë dhe qeverisjes së Kosovës. Me një të rënë të lapsit, Shpendi kërkon t'iu vërë vizë ish udhëheqjes së komunës së Prishtinës dhe udhëheqjes aktuale të Kosovës.

Kompania e tenderuar për furnizimin me këtë lëndë djegëse sqaron se "nafta e importuar është sipas udhëzimeve në fuqi, dhe furnizimi është bërë me të njëjtin derivat të importuar; ne japim llogari për atë që kemi importuar, është kontrolluar, ekziston certifikata e kualitetit, është bërë kontroll në kufi dhe është bërë dërgesa në depo dhe nga depoja dërgesa është bërë drejtë në institucion, por nuk mbajmë përgjegjësi për rezervoar ose për pronësinë e tjetërkujt".

Veprimet tejet energjike të kryetarit të ri të komunës së Prishtinës, në këtë kontekst, shtrijnë dyshimin në opinion - a është duke e bërë gjithë këtë Shpendi për të tenderuar dikë tjetër, pra një kompani pranë Lëvizjes për Vetëvendosje? -a kemi të bëjmë me një klientelizëm të ri që synon të zëvendësojë të vjetrin?

Ardhja e Shpend Ahmetit në krye të komunës së Prishtinës, detyra më e rëndësishme në Kosovë pas asaj të kryeministrit, ishte befasia më e madhe dhe më e komentuar e zgjedhjeve lokale të 3 nëntorit. Prandaj, edhe kureshtja, edhe pritshmëria do të ishin të mëdha.

Nga veprimet e deritashme, del se Shpendi është më i befasuari i të gjithëve. Më e keqja, gjendjen e të befasuarit ai vazhdon ta përjetojë dhe ta manifestojë shpesh e më shpesh, shumë e më shumë.

Kjo pasqyrohet në ngulmimin e tij për të bërë bujë, për të qenë burim i lajmeve të bujshme, ngulmim i shndërruar tashmë në maninë më të bujshme në Kosovë.

Nga një udhëheqje në pajtim me premtimet e tij dhe me pritshmëritë e qytetarëve do të ishte e natyrshme që Lëvizja për Vetëvendosja, pra forca politike nga ai vjen, të fitonte shumë pikë. Do të ishte zgjuarsi e tij nëse do ta kuptonte kështu ardhjen e papritur dhe të pakujtuar në detyrën e rëndësishme.

Prirja e tij për të fituar kapitale të tjera - pra, materiale - në të mirë të Vetëvendosjes, nëpërmjet pushtetit që ia dha vota e popullit, do t'ia rrëzojë edhe kapitalet e mundshme morale kësaj force politike.

Shpendi kurrsesi të mos harrojë se është zgjedhur nga populli i kryeqytetit të Republikës së Kosovës për të bërë politikën e zhvillimit dhe të përparimit sa më të gjithanshëm e sa më të madh të komunës. Pra është thirrur për të bërë, nuk është thirrur për të zhbërë. Nuk është thirrur, për më tepër, që të zhbëjë atë që është bërë në Prishtinë. Nuk është thirrur, sidomos, që të zhbëjë atë që është bërë në Kosovë. Komuna e Prishtinës është më e rëndësishmja, siç e shënova më lart, pas Qeverisë së Kosovës. Por, në asnjë rrethanë, nuk është më lart se Qeveria dhe se institucionet e tjera qendrore të Kosovës.

Pa dashur kurrsesi ta paragjykoj, ia kujtoj kryetarit të ri të komunës së Prishtinës se mendësia e zhbërjes është mendësi komuniste. Është proverbiale thënia se komunistët dinë të shkatërrojnë, por nuk dinë të ndërtojnë.

Shpend Ahmeti vjen në këtë detyrë si një ndër figurat më simpatike të Lëvizjes për Vetëvendosje, në mos më simpatikja. Në pak kohë, rezulton se në këtë aspekt ai ka bjerrë jo pak.

Titulli i shkrimit, kështu, nuk është thjesht një rimë. Është një thirrje që të bëhet esëll tashmë dhe të fillojë ta marrë shtruar e kthjellët, sa dhe me energji e vizione detyrën tejet të rëndësishme të kreut të komunës së Prishtinës, kryeqytetit të Republikës së Kosovës.

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am

TIRANË - KUVENDI BURLESK NË SEANCËN E JASHTËZAKONSHME PËR EGIN CEKËN
Nga SKËNDER BUÇPAPAJ

E Premte, 04.26.2013, 02:28pm
NJË THËNIE ME DOMETHËNIE E MESIÇIT
Nga SKËNDER BUÇPAPAJ

E Djelë, 04.14.2013, 08:41am