VOAL - Online Zëri i Shqiptarëve - ARGJENTINA DHE HOLLANDA NË GJYSËMFINALE

Argjentina ka arritur të dalë në gjysëmfinalet e Botërorit për herë të parë në një çerek shekulli, pasi mundi dje Belgjikën 1-0. Katërshja e gjysëm finales është tani e plotësuar, pasi Hollanda mundi Kosta Rikën 4-3 me penallti.

Argjentina siguroi dje fitoren me golin e shënuar nga Gonzalo Higuain në 10 minutat e parë të ndeshjes. Ylli i ekipit argjentinas Lionel Messi pati rastin ta çojë rezultatin në 2-0 nga fundi i lojës, por portieri belg Thibaut Courtois arriti të shpëtojë portën. Argjentina del në gjysëm finale për herë të parë që nga 1990. Argjentinasit kanë fituar kupën dy herë: në 1978 dhe 1986.

Hollanda dhe Kosta Rika nuk arritën të shënojnë gjatë kohës së rregullt dhe minutave shtesë të ndeshjes, duke detyruar goditjet e penalltive. Fitorja i buzëqeshi Hollandës kur portieri hollandez Tim Krul arriti të presë goditjet e Ryan Ruiz dhe Michael Umana.

Të mërkurën Argjentina dhe Hollanda ndeshen në San Paolo për të siguruar vend në finale. Brazili dhe Gjermania luajnë në Belo Horizonte të martën.za