VOAL - Online Zëri i Shqiptarëve - MISIONI I RI I HASHIM THAÇIT ËSHTË NË OPOZITËNga SKËNDER BUÇPAPAJ

Thjesht në cilësinë kryetarit të Partisë Demokratike të Kosovës (PDK), Hashim Thaçi, thonë mediat, qenka shprehur në facebook se partia e tij ("partia fituese e zgjedhjeve dhe koalicioni parazgjedhor prej Partisë Demokratike të Kosovës dhe koalicionit për Mision të Ri"), pra ai vetë, është mandatar i qeverisë së ardhshme.

Hashim Thaçi, pas shpalljes zyrtarisht të marrëveshjes mes katër partive, LDK-AAK, Vetëvendosje dhe Nisma, e ka të qartë tashmë se nuk i ka votat për të mbajtur mandatin, edhe sikur atë t'ia jepte, sipas rutinës, presidentja e Kosovës. Prandaj, i bie që t'ia kursejë vetes, partisë së tij, koalicionit të tij këtë procedurë dhe të pranojë realitetin e ri.

Kështu kryetari i PDK-së do të dëshmonte pjekuri politike, do të dëshmonte konstruktivitet, do të dëshmonte përgjegjshmërinë që i takon, respektin që i takon ndaj rolit të tij në proceset nëpër të cilat ka kaluar Kosova në këto 15-16 vitet e fundit. Mbi të gjitha, Thaçi do të dëshmonte se nuk tundohet nga zërat e brendshëm, në parti apo koalicion, të cilët janë gati ta dëmtojnë figurën e Thaçit dhe interesat e shtetit të Kosovës vetëm për hir të ruajtjes së mëtejshme të posteve dhe privilegjeve që kanë pasur me Thaçin kryeministër.

Thaçi ka qenë kryeministër dy mandate, shtatë vjet, në një periudhë shumë vendimtare për fatet e Kosovës dhe të kombit. Gjatë këtyre viteve, më shumë se kurrë në jetën e tij aktive politike, ai ka përjetuar reformimin e tij dhe të partisë së tij, ku, natyrisht, ai e ka pasur meritën kryesore. Sikurse ka edhe përgjegjësinë e tij për mungesën e sukseseve në shumë fusha, për korrupsionin tejet të lartë, papunësinë tejet të lartë, izolimin ndaj Evropës dhe botës, për shumë plagë të tjera, të cilat ai, partia e tij dhe koalicioni i tij nuk i kanë aspak mundësitë t'i zbutin as t'i shërojnë në një mandat tjetër, të tretë, qeverisës. Do të ishte paradoksi më i madh, absurdi më i papërfytyrueshëm që Thaçi ta mendonte apo ta gjente veten në krye të një aventure ku dështimi do të ishte i sigurtë dhe dëmi ndaj tij sidomos, por, rrjedhimisht, edhe ndaj çështjes për të cilën ai ka kontribuar deri tash do të ishin tejet të mëdha e tejet të pandreqshme.

Kjo ishte arsyeja kryesore pse asnjë nga partitë kryesore të Kosovës - as LDK, as AAK, as Vetëvendosje, as Nisma nuk bënë asnjë marrëveshje me PDK-në dhe me Misionin e Ri.

Mendoj se Thaçi dhe të gjitha mendjet e tjera të kthjellëta në partinë dhe në koalicionin e tij e kuptojnë se nuk kanë pse t'i humbin më kohë as nerva Kosovës, popullit të Kosovës, përkrahësve të tyre. E kuptojnë, pra, se Misioni i tyre i Ri është në opozitë - në një opozitë të re sa më konstruktive, sa më bashkëpunuese, sa më të përgjegjshme, çka do të ishte në pajtim me zotimin e koalicionit LDK-AAK, Nisma dhe Vetëvendosje se nuk do të ketë asnjë revansh apo frymë revanshi në qeverisjen e tyre.

Disa mendje, sipas meje, të pakthjellëta pranë Thaçit, i kërkojnë atij që të zgjasë agoninë e qeverisjes së tij, një agoni që do të ishte shumë më e rëndë dhe më e shumëfishtë për Kosovën dhe për çështjen ndaj së cilës mendohet se ka punuar Thaçi dhe PDK.

Ata nuk duan ta kuptojnë se Kosovës nuk i duhet as një zgjatje kohore, nuk i duhet as një vajtje në zgjedhje të jashtëzakonshme, Kosovës i duhet sa më shpejt një qeveri sa më e qëndrueshme, i duhen institucione të forta - Qeveri, Parlament, President, i duhet qeverisje me kapacitet sa më të plotë, me energji sa më të freskëta, me imazh sa më të ndryshëm, të cilat Thaçi, PDK dhe aleatët e tyre nuk ia kanë siguruar Kosovës sidomos këto tri vitet e fundit dhe as që mund t'ia sigurojnë një mandat të tretë të mëtuar.

Perëndimorët, Bashkimi Evropian, në kontekstin e ri që u krijua pas marrëveshjes LDK-AAK-Nisma-Vetëvendosje, u shprehën se në praktikën demokratike ekzistojnë edhe koalicionet e heshtura parazgjedhore, për çka ata kishin menduar se Thaçi dhe PDK mund ta kishin pasë arritur një të tillë.

Ndërkohë partitë kryesore opozitare të deritashme të Kosovës kishin premtuar se nuk do të bëjnë në asnjë mënyrë koalicion me PDK-në. Nënteksti, mendoj unë, tashmë del i qartë. Mrekullisht, ky nëntekst u kap me shumë mençuri nga elektorati i Kosovës. Dhe PDK nuk ka pse të shpresojë se mund të bëjë ndonjë diversion ndaj partive që arritën marrëveshjen më 10 qershor. Nëse dikush pranë tij do t'ia këshillonte këtë Hashimit, kjo do të ishte këshilla më keqdashëse e mundshme ndaj tij.

Duke i hapur rrugë qeverisjes së re, duke pranuar realitetin e ri të krijuar tashmë, duke filluar Misionin e tij të Ri në opozitë, Thaçi do të bënte që të dilte në një dritë të vërtetë roli i tij në mbarëvajtjen e zgjedhjeve të 8 qershorit, ashtu si vlerëson ai vetë, se "zgjedhjet e 8 qershorit kaluan si më të mirat e pasluftës". Dhe do të ishte vërtet kryelartë për atë që ka bërë në politikë, për atë që ka bërë në qeveri dhe për atë që do të bëjë në opozitë. Në rast të kundërt, Thaçi do ta errësonte jo vetëm rolin e tij në këto zgjedhje, por do të bjerrte shumëçka nga meritat e tij të vërteta të deritashme ndaj Kosovës dhe kombit. Dhe dëmet, çka është më e keqja e të këqijave, më së shumti do t'i paguante Kosova.

Tashmë Kosova ta mbledhë sa më shpejt Kuvendin me përbërje të re dhe të vazhdojë pa humbur aspak kohë hapat e tjerë për mbarëvajtjen e vendit, për rritjen e mirëqenies, për zhvillimin ekonomik, për arritjen sa më të shpejtë të heqjes së vizave, për aritjen sa më të shpejtë të Marrëveshjes së Stabilizim Asociimit, për arritjen sa më të shpejt të përfshirjes në Partneritetin për Paqe, për arritje sa më të shpejta në integrimet e tjera perëndimore dhe ndërkombëtare, çka krijon një kuadër krejt tjetër në hapjen e vendit ndaj investimeve të huaja, në krijimin e shpresave të reja dhe të optimizmit të ri brenda në Kosovë dhe në marrëdhëniet e saj rajonale evropiane dhe ndërkombëtare.

©
PDK BËRI ZULLUME NË QEVERISJE, BËFTË HAJËR NË OPOZITË
Nga SKËNDER BUÇPAPAJ

E Premte, 06.06.2014, 10:45am
QEVERIA E RE KRIJON TË PAKËNAQUR, POR ATA NUK JANË ME PD-në
Nga SKËNDER BUÇPAPAJ
E Hënë, 05.26.2014, 08:57am

REVOLUCIONI ME VOTË - KOHA E KOSOVËS
Nga SKËNDER BUÇPAPAJ

E Hënë, 05.19.2014, 06:46pm

NJË OPOZITË E SHPARTALLUAR KUNDËR NJË QEVERIE ENDE TË PAKONTURUAR
Nga SKËNDER BUÇPAPAJ

E Premte, 05.16.2014, 10:08am
FTESA NDAJ QYTETARËVE TË KOSOVËS DHE LUGINËS SË PRESHEVËS - NJË LËVIZJE TJETËR MË SE BOSHE E TIRANËS
Nga SKËNDER BUÇPAPAJ

E Enjte, 05.08.2014, 02:59pm
Temë për debat
DEFETARIZIMI I POLITIKËS DHE DEPOLITIZIMI I FESË
Nga SKËNDER BUÇPAPAJ

E Mërkurë, 04.09.2014, 07:56am
SFIDË NDAJ SKEMAVE
Libri 'Traumat e tranzicioni' i Elida Buçpapajt
Nga SKËNDER BUÇPAPAJ

E Hënë, 04.07.2014, 09:32pm
Ftesa këtuT'I DREJTSHKRUAJMË SHQIP EMËRVENDET ZVICERANENga SKËNDER BUÇPAPAJ (03.17.2014)
PS TË MOS IMITOJË PD-në, PD TË MOS IMITOJË PS-në
Nga SKËNDER BUÇPAPAJ
E Mërkurë, 03.05.2014, 11:47am
Këndi këtu
SI TË UROJMË
Nga SKËNDER BUÇPAPAJ
E Hënë, 02.17.2014, 06:50pm

SHPEND MOS U ÇMEND
Nga SKËNDER BUÇPAPAJ
E Mërkurë, 02.12.2014, 10:28am

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am