VOAL - Online Zëri i Shqiptarëve - RA LAZARATI S'RA LAZARATINga SKËNDER BUÇPAPAJ

Duket sikur këto ditë ne të gjithë, pavetëdijshëm a nënvetëdijshëm, jemi përfshirë në fjalëshpejtën 'Ra Lazarati s'ra Lazarati'.

Kjo sindromë kolektive 'Ra Lazarati s'ra Lazarati' vërtet sapo është riaktualizuar, por ka gjasa të mos na ndahet as në kohët vijuese - 'Ranë Lazaratët s'ranë Lazaratët'. Kjo do të ndodhë nëse ne nuk i kemi nxjerrë tashmë konkluzionet e duhura, të paanshme, larg çdo konflikti interesi qoftë të natyrës politike, qoftë të natyrës ekonomike, qoftë të natyrës psikologjike a - më mirë me thënë - psikike, apo të këtyre e të tjerave, të gjithave së bashku.

Lazarati është më Lazarat se të tjerët. Por nuk është i vetmi në Shqipëri. Ky refren u dëgjua këto ditë më dendur se më parë. Është 'Lazarati blu'. Ka edhe Lazaratë 'jo blu' në jug, në veri a tjetërkund në Shqipëri. Ka 'Lazarati ynë dhe Lazarati juaj'. Të gjithë, pra të heqin dorë nga Lazaratët e tyre. Vetëm kështu zinxhiri i Lazaratëve prishet dhe nuk ia shtrëngon më fytin Shqipërisë, i jep fund ekonomisë me zhvillim të njëanshëm, për më tepër me zhvillim të njëanshëm të jashtëligjshëm, i jep fund pra informalitetit ekonomik, politik, jetësor në Shqipëri.

Të jemi të vetëdijshëm se Lazarati nuk bie, Lazaratët nuk bien nëse nuk bien bosët e tyre, nëse nuk bie ekonomia e ngritur prej tyre, nëse nuk bie infrastruktura që e kanë krijuar ata dhe që iu është krijuar atyre. Nga përvoja dhjetëravjeçare e luftës së Italisë kundër mafies del në pah se asnjë rrjet trafiku, asnjë segment mafioz nuk është shpartalluar, nuk është çrrënjosur nëse nuk janë kapur bosët e tyre. Pos kësaj, në të gjitha lajmet për luftën kundër mafias, ne kemi dëgjuar gjithnjë për sekuestrime marramendëse pronash, vlerash monetare, vlerash të tjera materiale që iu janë bërë e iu bëhen gjithnjë të arrestuarve. Në Shqipëri dëgjojmë vetëm për arrestime e dënime shpërndarësish. Nuk dëgjojmë për arrestime e dënime bosash. Nuk dëgjojmë për sekuestrime të pasurive informale. Pa u bërë kjo, Shqipërinë e mbulon skaj më skaj informaliteti dhe pandëshkueshmëria.

Ekspertët evropianë llogaritin që Lazarati, i vetëm, prodhon 900 tonë marihuanë në vit, me vlerë 4,5 miliardë euro. Me Lazaratët e tjerë kushedi çfarë shifrash përrallore do të kishim. Po asnjëherë nuk shtrohet pyetja se ku investohen këto miliarda, kur në Shqipëri ne nuk shohim asnjë investim serioz në asnjë fushë. Nuk shohim që Shqipëria përveç oazeve dhe ishujve të lumturisë të klasës së politikës dhe biznesit, të investojë për punësim, të investojë për prodhim. Punësimi dhe prodhimi, pra, duhej të ishin përparësitë kryesore të çdo investimi. Do të ishin infrastruktura më e sigurtë që do të çonte tek rritja ekonomike, rritja e përgjithshme zhvillimore, rritja e përgjithshme e mirëqenies.

Lazaratët janë akuza më flagrante ndaj politikës së tranzicionit në Shqipëri. Sepse Lazaratët janë simbol i marrjes peng të Shqipërisë nga politika e saj mafioze. Me rënien e Lazaratëve, lind pikërisht pyetja se si dhe ku do të rehabilitohet ajo pjesë e pafajshme e popullsisë e cila është përdorur për kultivimin, industrializimin dhe shpërndarjen e drogave. Nëse nuk merren masat për integrimin e tyre në jetën formale, atëherë ata do të shndërrohen në një bumerang fatal jo vetëm për të ardhmen e politikës, por edhe për të ardhmen e vendit.

Në luftën ndaj mafias, nisur nga përvoja e Italisë, ka edhe fushata, por nuk ka ndërprerje në asnjë çast. Në luftën ndaj mafias nuk mund të përfytyrohet që përpjekjet apo përballjet të mbeten episodike. Lufta ndaj mafias mund të japë frute vetëm nëse është luftë e pareshtur, luftë e vendosur, e pakompromis. Nëse përpjekja e këtyre ditëve mbetet episodike, atëherë mafia në Shqipëri do të dalë shumë më triumfuese se deri tash. Në vendet ku ka hedhur rrënjë mafia, ka ose fitues, ose të humbur. Ose fiton mafia dhe humb shteti, ose humb mafia dhe fiton shteti.

Mafia është, pra, antishtet. Dhe gjithçka që është antishtet në jetën e një vendi, vetvetiu është aleat - i shpallur a i pashpallur, i vetëdijshëm a i pavetëdijshëm - me mafian. Po ashtu, çdo informalitet, çon ujë vetvetiu në mullirin e mafias. Prandaj në qëndrimet ndaj mafias, për më tepër në qëndrimet politike, në qëndrimet zyrtare ndaj mafias nuk mund të ketë ekuivoke, nuk mund të ketë rezerva, nuk mund të ketë tone të ulura, aq më tepër nuk mund të ketë tone pajtuese me mafien.

Urojmë që përpjekjet e qeverisë së Shqipërisë, të shtetit të Republikës së Shqipërisë në mposhtjen e Lazaratëve të mos mbeten episodike. Sepse nuk do të kishte gjë më të shëndetshme për mafian se përpjekjet e mbetura episodike në luftën kundër saj. Në luftën kundër mafias, siç e nënvizova, nuk mund të ketë episodizëm, mund të ketë vetëm ndërthurje taktikash, mjetesh, mënyrash, mund të ketë vetëm thellim dhe zgjerim të kësaj lufte. E njëjtë mbetet strategjia.

Mbështetja dhe përkrahja ndaj përpjekjeve të sinqerta dhe serioze të organeve të caktuara për të marrë nën kontroll Lazaratin dhe Lazaratët e tjerë janë mbështetje dhe përkrahje për shtetin. Duke mbështetur dhe përkrahur shtetin ne mbështetim dhe përkrahim sigurinë tonë, qetësinë tonë, rregullin, ligjin, mbarëvajtjen. Të gjitha këto e përbëjnë infrastrukturën që sjell ato investime që i duam ne - ato investime që burojnë punësime, ato investime që burojnë prodhim, ato investime që burojnë investime të tjera në një cikël të pafundëm.

Shqipëria i ka të gjitha mundësitë të delazaritizohet dhe të tregojë anën e saj të bukur të cilën as gjatë këtij tranzicioni nuk e ka parë ende bota, mbi të gjitha, nuk e kanë parë deri sot investitorët e huaj të mëdhenj.
--

©
MISIONI I RI I HASHIM THAÇIT ËSHTË NË OPOZITË
Nga SKËNDER BUÇPAPAJ

E Mërkurë, 06.11.2014, 10:58am
PDK BËRI ZULLUME NË QEVERISJE, BËFTË HAJËR NË OPOZITË
Nga SKËNDER BUÇPAPAJ

E Premte, 06.06.2014, 10:45am
QEVERIA E RE KRIJON TË PAKËNAQUR, POR ATA NUK JANË ME PD-në
Nga SKËNDER BUÇPAPAJ
E Hënë, 05.26.2014, 08:57am

REVOLUCIONI ME VOTË - KOHA E KOSOVËS
Nga SKËNDER BUÇPAPAJ

E Hënë, 05.19.2014, 06:46pm

NJË OPOZITË E SHPARTALLUAR KUNDËR NJË QEVERIE ENDE TË PAKONTURUAR
Nga SKËNDER BUÇPAPAJ

E Premte, 05.16.2014, 10:08am
FTESA NDAJ QYTETARËVE TË KOSOVËS DHE LUGINËS SË PRESHEVËS - NJË LËVIZJE TJETËR MË SE BOSHE E TIRANËS
Nga SKËNDER BUÇPAPAJ

E Enjte, 05.08.2014, 02:59pm
Temë për debat
DEFETARIZIMI I POLITIKËS DHE DEPOLITIZIMI I FESË
Nga SKËNDER BUÇPAPAJ

E Mërkurë, 04.09.2014, 07:56am
SFIDË NDAJ SKEMAVE
Libri 'Traumat e tranzicioni' i Elida Buçpapajt
Nga SKËNDER BUÇPAPAJ

E Hënë, 04.07.2014, 09:32pm
Ftesa këtuT'I DREJTSHKRUAJMË SHQIP EMËRVENDET ZVICERANENga SKËNDER BUÇPAPAJ (03.17.2014)
PS TË MOS IMITOJË PD-në, PD TË MOS IMITOJË PS-në
Nga SKËNDER BUÇPAPAJ
E Mërkurë, 03.05.2014, 11:47am
Këndi këtu
SI TË UROJMË
Nga SKËNDER BUÇPAPAJ
E Hënë, 02.17.2014, 06:50pm

SHPEND MOS U ÇMEND
Nga SKËNDER BUÇPAPAJ
E Mërkurë, 02.12.2014, 10:28am

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am