VOAL - Online Zëri i Shqiptarëve - PO NUK VOTUAN MË 6 GUSHT, ED RAMA Â« OUTSIDER Â»- PS DEL NË PENSIONNga ELIDA BUÇPAPAJ

Deputetët e PS në daljet e tyre përpara opinionit publik, janë duke spekuluar që votimin e 6 gushtit ta faturojnë si një "aferë personale të Sali Berishës". Kur dihet se votimi i 6 gushtit ka të bëjë me të ardhmen e vendit, integrimet e tij si dhe me marrëdhëniet e maxhorancës dhe opozitës me BE dhe SHBA.

Pas vizitës që Trojka bëri më mes të korrikut në selinë e PS, ku u takua me liderin e saj, duke theksuar rëndësinë që do të ketë votimi i 6 gushtit për heqjen e imunitetit, u prit që Ed Rama të kishte një reagim serioz nga ana e tij. Iu dha një rast brilant për ta bërë. Dhe rastet janë të arta nuk përsëriten sa herë të duash. Në fakt, si e kam thënë, si person nuk ka gjë për të sqaruar sepse është pa imunitet, ndërsa si lider i opozitës dhe i partisë më të madhe opozitare natyrisht që ka.

Por Ed Rama sa herë është shfaqur në publik, kur i është referuar 6 gushtit, është konfrontuar me kundërshtarin e tij, ka kundër-replikuar, duke lënë në hije atë që është thelbësore, sepse votimi i 6 gushtit nuk është obligim që Berisha i bën Ramës dhe PS, por obligim që BE dhe SHBA i bëjnë PD dhe PS, dy forcave kryesore në Parlamentin e Shqipërisë.

Ndërsa duke komentuar presionin me pretendimet e deputetëve të saj apo të teknicienëve orientuar majtas që PS po bën deri në sekondën e fundit për ta shtyrë votimin e 6 gushtit për në sezonin e vjeshtës, këto përpjekje i ngelin në vjeshtë pretenduesit dhe bëjnë që pretendimet e tyre të kutërbojnë veç spekulacion. Sepse PS, nëse do të kishte pasur vërtetë qëllime serioze dhe do t'i digjej shpirti për kushtetutën e vendit, ka patur boll kohë në dispozicion këta 7 vjet në opozitë për t'i pasë ezauruar. Kur dihet se dorëzimi i imunitetit është një nga 12 kërkesat që BE ia parashtron Shqipërisë për integrimin e saj në BE, kërkesë e bërë jo sot, po kahmoti.

Në fakt votimi për heqjen e imunitetit më 6 gusht do të ishte në shërbim direkt të opozitës, e cila nuk i rresht akuzat për korrupsionin e qeveritarëve të PD e aleatëve të saj në pushtet - të cilët do të duhet të bëjnë qejf e të hedhin valle, pikërisht sepse i mbron imuniteti! E atëhere si është puna? Na del se zyrtarët e korruptuar të PD po i mbron PS? ! Në Shqipëri mund të ndodhë gjithçka, edhe absurdi më i paimagjinushëm. Në rastin konkret kemi një logjikë të mbrapshtë, që bie ndesh me shtetin e së drejtës dhe me integritetin e pastër të zyrtarit të lartë.

Ndërkohë, po shohim se maxhoranca po bën gjithçka që të bindë Ed Ramën dhe PS të votojë më 6 gusht.

Tani nga votimi apo mosvotimi varet e ardhmja e Ed Ramës në PS dhe e vetë PS. Gjatë këtij muaji kemi parë se Trojka është takuar disa herë me Ed Ramën. Trojka u takua në Ed Ramën sepse ai është kreu i PS-së dhe lideri i opozitës duke i kërkuar këtij të fundit të ushtrojnë ndikimin e tij legjitim tek partia e tij, që deputetët e PS të votojnë më 6 gusht.

Këtë kërkesë Ed Ramës nuk ia ka bërë Berisha, por Trojka, pra BE dhe SHBA sepse Ed Rama është de jure kryetar i PS! Po defacto a është ?

Siç e kam thënë edhe në një shkrim më parë, është hera e dytë prej 21 janarit 2011 që Ed Rama e vendos veten në një pozitë shumë të padëshirueshme përballë me Trojkën, SHBAdhe BE, dy aleatët jetikë të Shqipërisë. Dhe kjo është një lojë me zjarrin, autodestruktive e liderit të opozitës.

Ndërkaq, është e qartë se ata që nuk duan votimin për heqjen e imunitetit kanë frikë nga drejtësia, por ky fakt e bën edhe më imperativ votimin më 6 gusht. Çdo idé për të shtyrë nuk ka asnjë sens, aq më tepër kur BE ka vendosur afate.

Por ende ekziston mundësia që më 6 gusht PS të votojë në Parlament.

Nëse jo,në pozitë të vështirë më 6 gusht nuk bie vetëm Ed Rama, por i gjithë grupi i PS në Parlamentin e Shqipërisë, i cili nuk mund të kthehet në një dordolec në duart e kupolës. Dorëzimi i imunitetit në fakt, do të ishte më së shumti në shërbim të opozitës, të akuzave për korrupsion që e majta ngre kundër maxhorancës qeverisëse. Pra, grupi i PS duhej mezi të priste 6 gushtin. Dhe, nëse më 6 gusht Ed Rama nuk do t'i detyrojë deputetët e PS të votojnë për heqjen e imunitetit, ai do të bëhet de facto «outsider», pasi nuk do të jetë një lider kredibël me Perëndimin, ndërsa PS do të duhet të dalë përfundimisht në pension.

Por ende ekziston mundësia që më 6 gusht PS të votojë në Parlament.

MISTER, HESHTJE E PLOT PIKËPYETJE PËR VDEKJEN TRAGJIKE TË ALI PODRIMJES - SALI BERISHA DO TË DUHEJ TË ISHTE NË KONTAKT PREJ TË MARTËS ME PRESIDENTIN HOLLANDE Nga ELIDA BUÇPAPAJ
E Djelë, 07.22.2012, 10:56am

Çdo ditë një temë NËSE PS NUK VOTON MË 6 GUSHT, EDI RAMA BËHET « HARAKIRI » Nga ELIDA BUÇPAPAJ
E Martë, 07.17.2012, 12:31pm

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ

In Memoriam BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ
E Martë, 06.05.2012, 07:34am

SHQIPËRISË I DUHET PRESIDENTI NË MËNYRË EKSPLICITE SIPAS PROFILIT TË JOACHIM GAUCK Nga ELIDA BUÇPAPAJ
E Enjte, 05.17.2012, 02:07pm

DY FJALË PËR TAKIMIN E MBRËMSHËM TEK OPINION RAMA-FEVZIU ME DESTINACION ILIR METËN

Nga ELIDA BUÇPAPAJ

ESSE PËR KOHËN E PAMJAFTUESHME TË HELENA KADARESË Nga ELIDA BUÇPAPAJ
E Martë, 04.10.2012, 11:14am

REPORTAZH NGA STRASBURGU - HYRJA NË NATO MË E RËNDËSISHME SE 1912?!

Nga ELIDA BUÇPAPAJ
E Enjte, 04.05.2012, 07:27am

MË 22 MARS, 20 VJET MË PARË KUR RAPORTOJA PËR ZËRIN E AMERIKËS

Nga ELIDA BUÇPAPAJ
E Shtunë, 03.24.2012, 08:03am

RASTI DEMJANJUK DHE RASTI UNIK I SHQIPËRISË

Nga ELIDA BUÇPAPAJ
E Martë, 03.20.2012, 10:09am

Larg interesave kombëtare dhe larg interesave të shqiptarëve

SHQIPËRIA ÇFARË PARANOJE, NJË VIT E CA PARA KOHE KA HYRË NË FUSHATË ZGJEDHORE