Ka dalë në sipërfaqe pjesëmarrja e akademikëve shqiptarë, por edhe shkencëtarëve shqiptarë që kanë qenë pjesë e skenarit të redaktimit të “Enciklopedisë Maqedonase”. Derisa disa mohojnë se kanë gisht në këtë skenarë të turpshëm për shqiptarët, një pjesë e tyre pohon se ka marrë përgjegjësi dhe honorare për punën e bërë.
 
Të bëmat e akademikëve shqiptarë kanë dalur në shesh nga akademiku Bllazhe Ristevski, i cili ka theksuar emra të involvuar në këtë projekt si akademikët dhe shkencëtarët shqiptarë: Shukri Rahimi, Agim Poloska, Alajdin Abazi, Ali Aliu dhe Luan Starova. Disa prej tyre kanë heshtur, ndërsa pjesa tjetër ka folur, duke tentuar të shmangë përgjegjësitë.

Në mesin e këtyre emrave të akademikëve akoma nuk janë rrëfyer Ali Aliu dhe Luan Starova, dy veteranët, që kohëve të fundit janë shmangur larg opinionit publik, pas gjithë atyre zhvillimeve diskriminuese shqiptare në arsim, kulturë dhe shkencë.

Përveç 21 aktivistëve të cilët u arrestuan dhe po mbahen në burg, edhe 6 të tjerëve u ka ardhur ftesa për t’u paraqitur pranë Prokurorisë Publike Komunale të Prishtinës, si të pandehur për aksionin e rrokullisjes së veturave.

Nisur nga ky fakt, Lëvizja Vetëvendosje tha sot se ajo beson që mendimet e shprehura të ministrit të jashtëm të Suedisë Carl Bildt, por edhe të zëdhënëses së Solanës, Cristina Gallach, janë urdhër për prokurorinë e policinë e Kosovës.

Bildt e Galach dënuan ashpër aksionin e Lëvizjes VETËVENDOSJE! kundër EULEX-it. Ata madje kërkuan shprehimisht që të arrestohen dhe dënohen aktivistët e Lëvizjes. 

Dhe pikërisht këtë po e bën prokuroria dhe policia e Kosovës, konsideron Lëvizja.

Gjashtë aktivistët e akuzuar tashmë i janë shtuar listës së të akuzuarve pas aksionit. Pra, pasi që është marrë vendimi politik për mbajtjen në burg të 21 aktivistëve të arrestuar atë ditë.

Në dhjetëvjetorin e bashkëpunimit të USAID-it me komunat e Kosovës, sot në Gjakovë ka qëndruar për një vizitë ambasadori amerikan Cristofer Dell i shoqëruar nga drejtoresha e misionit të USAID-it për Kosovë, me ç’rast është pritur nga kryetari i komunës Pal Lekaj dhe bashkëpunëtorët e tij.Ambasadori Dell vizitoi edhe qendrën e qytetit ku ishte hapur ekspozita fotografike me projektet e USAID-it në rajonin e Gjakovës.

Dell me këtë rast tha se sot nuk kemi ardhur vetëm për përurimin e këtyre qendrave të regjistrimit por për të marrë pjesë në shënimin e 10 vjetorit të punës sonë në Kosovë.

“Ne do të vazhdojmë të punojnë në të gjitha fushat të cilat janë të rëndësishme për Kosovën, forcimin e institucioneve , krijimin e mundësisë për të gjithë qytetarët për të kontribuar për të ardhmen e shtetit, do të punojmë në zhvillimin e ekonomisë dhe dëshirojmë të krijojmë një ekonomi të fuqishme të bazuar në tregun e lire, të gjithë këto bazuar në forcën sundimit të ligjit,” tha Dell.

Anëtarët e komisionit qeveritar të Kosovës për demarkacionin e kufirit, kanë deklaruar se 98 % e vijës kufitare me Maqedoninë deri më tani është përfunduar, por nuk shprehen optimistë që ky proces të përfundoj brenda këtij viti.

Prof. Murat Meha, anëtarë i këtij komisioni, është shprehur se po punohet në aspektin teknik që të përfundoj edhe 2 % të vijës së papërcaktuar në vendin e quajtur Kodra e Furrës, vend ky i cili është vlerësuar si pikë më delikate gjatë tërë këtij procesi.

“Nuk ka asnjë ndryshim të kufirit mes Kosovës dhe Maqedonisë dhe i gjithë procesi i demarkacionit vlerësohet i suksesshëm”, kanë deklaruar anëtarët e komisionit të Qeverisë së Kosovës për demarkacionin gjatë një vizite sot në Viti. Prof. Murat Meha ka deklaruar se 98 % e vijës kufitare me shtetin e Maqedonisë është përfunduar dhe se ky përkufizim nënkupton se interesi i shtetit është ruajtur, sikur se edhe interesi individual i banorëve të fshatrave kufitare. Ai tha se interes i yni kombëtar është që procesi i demarkacionit të përfundoj me të gjitha shtetet që i kemi përreth.

Së shpejti, përfaqësues të Gjykatës së Strasburgu do të vijnë në Maqedoni. Në mesin e tyre është edhe një vajzë me origjinë shqiptare. Ata kanë njoftuar se do të kërkojnë të dhëna, fakte, dhe informacione shtese për rastet në fjalë, për të zbardhur të vërtetën për fatet e njerëzve që po kalben nëpër burgjet e Maqedonisë.

Lajmi bëhet i ditur nga Forumi Ndërkombëtarë për të Drejtat dhe Liritë e Njeriut (IGFM) me seli në Frankfurt të Gjermanisë. Kjo organizatë kohë më parë i ka dërguar pranë Gjykatës së Strasburgut rastet e njohura të dënimit me qindra vite burg të shqiptarëve në Maqedoni.

“Lëndët janë pranuar nga Gjykata e Strasburgut dhe se së shpejti përfaqësues të këtij institucioni të drejtësisë do ta vizitojnë Maqedoninë, për të grumbulluar fakte dhe informacione shtesë për këto lëndë, saktësisht për Rastin e Sopotit, Brodecit, dhe Manastirit”, ka theksuar Idriz Sinani, nga përfaqësia e IGFM-së në Maqedoni.

Rasti i Brodecit dhe Sopotit janë të njohura për opinionin, ndërsa rasti i Manastirit ka të bëjë me një rast të montuar për vrasje, ku si të akuzuar dhe të dënuar me nga 12 vite burg janë vëllezërit Klenja nga Manastiri.

Edhe EULEX-i sikurse UNMIK-u nuk e pranon Kosovën si të pavarur, nuk ka afat se deri kur do të qëndrojë në Kosovë, dhe nuk i jep llogari asnjë institucioni kosovar anipse ka fuqi ekzekutive mbi ta

Protokoll pas protokolli ata do ta dorëzojnë Kosovën. Ata do të flasin për shtetin e Kosovës, por do të vazhdojnë të zbatojnë dokumente që mohojnë shtetësinë e Kosovës. Ata nuk janë duke e bërë shtetin e Kosovës. ATA PO RREJNË!