Skandali Felps: I fotografuar duke tymosur kanabis
E Djelë, 02.01.2009, 08:47pm
Voal-online – Ka edhe foto që janë të destinuara që të bëjnë xhiro nëpër botë, siç mund të jetë ajo e kampionit amerikan të botës në not, të famshmit Majkëll Felps (Michael Phelps) të cilin paparacët e kanë fiksuar duke tymosur kanabis. Ky skup është botuar në revistën britanike "News of the World", e cila veç të tjerave merret edhe me hipotezën për një skualifikim të mundshëm për konsum dopingu të superkampionit të lojrave të Pekinit, i cili ka fituar tetë medalje të arta. Fotoja është shkrepur nëntorin e shkuar, gjatë një feste në Univeristetin e Karolinës të Jugut, ku kampioni kishte marrë pjesë për të takuar një shoqen e tij, Jordan Matthews. Në foto Phelps afron në gojë një tub të xhamtë që përdoret për të thithur kanabis. Në këtë galeri janë edhe fotot e kampionit botëror të notit gjatë vizitës së tij më të fundit në Arabinë Saudite.
|
|
|
Nadal triumfon kundër Mbretit Federer në Australian Open
E Djelë, 02.01.2009, 08:31pm
Gjatë dorëzimit të kupave, Federer nuk ka mundur t’i mbajë lotët dhe ia ka plasur të qarit në transmetim të drejtpërdrejtë të mediave, aq sa nuk ka arritur të flasë: “Ndoshta do të fitoj herën tjetër,†ka thënë pastaj kampioni nga Bazeli. “Të lumtë Rafa, ke luajtur në mënyrë të pabesueshme dhe e meriton. Ka qenë një finale tjetër fantastike,†ka thënë më në fund Federer. Nadal e ka përqafuar bazilezin: “Është gjithnjë kënaqësi të luaj me ty. Je një kampion shumë i madh dhe jam i sigurtë se do ta kalosh Pit Samprasin,†ka thënë sallaksi spanjoll. “Kjo ëndërr e jotja do të realizohet,†ka shtuar.
|
|
|
Ambasadori Amerikan në Beograd Munter: Çështja e Kosovës ka marrë fund !
E Djelë, 02.01.2009, 08:24pm
Voal-online - Ambasadori i SHBA-ve në Beograd Kameron Munter, ka thënë se Çështja e Kosovës ka marrë fund, sepse është zgjidhur statusi i saj. Sipas tij, rihapja e kësaj çështje është joreale. Munter tha se liderët institucionalë të Serbisë dhe të Kosovës do të duhej të bisedonin si fqinjë dhe t’i zgjidhin problemet në mënyrën më të mirë të mundshme. SHBA-të, bashkë me shtetet më të fuqishme evropiane, janë duke punuar në krijimin e Kosovës si shtet multietnik dhe në zhvillim e institucioneve të saj, ka thënë Munter.
|
|
|
Zvicër: Mbyll punimet Forumi Ekonomik i Davosit - Shqipëria u përfaqësua nga Kryeministri Berisha
E Djelë, 02.01.2009, 08:10pm
Në Davos, u mbyll forumi ekonomik botëror, i cili kësaj here u karakterizua nga një atmosferë e zymtë për shkak të krizës ekonomike dhe financiare globale. Pjesmarrësit largohen nga Davosi i ftohtë për t'u përballur me një realitet po aq të ftohtë financiar, ku rigjallërimi ekonomik komplikohet nga frika e trazirave sociale dhe e papunësisë në rritje. Në forum mori pjesë edhe Shqipëria, e cila u përfaqësua nga Kryeministri Berisha.
|
|
|
XHEJMS DIN OSE IKONA HOLLIVUDIANE E REBELIT
E Djelë, 02.01.2009, 05:35pm
James Byron Dean lindi më 8 shkurt të vitit 1931 në Marion, në Indiana, në shtetin që ishte asokohe ndër shtetet amerikane më të prekura nga kriza ekonomike dhe ndër më bujqësoret. Fëmijëria e tij e parë u shënua nha humbja shumë e shpejtë e nënës dhe nga raportet e vështira me babain. U rrit me një dashuri të madhe nga dajët dhe, i pasionuar që në moshë të vogël ndaj teatrit e veprimtarive të tjera krijuese, filloi të zhvillojë një personalitet të trazuar, egoist, ambicioz, dhe që do të ishte plot e përplot me konflikte adoleshente të cilat kurrë nuk u zgjidhën.
|
|
|
Aforizma të Muhamet Ali-ut
E Djelë, 02.01.2009, 05:11pm
1 Shkurt - Voal-online - Një njeri që e shikon botën njëlloj në të pesëdhjetat si atëherë kur ishte njëzet vjeç, ka humbur tridhjetë vjet të jetës së tij.
Një gjel këndon vetëm kur shikon dritën. Vendose atë në terr dhe ai kurrë nuk do të këndojë. Unë kam parë dritën dhe tani jam duke kënduar.
Mosha është si të mendosh se është. Ti je i vjetër aq sa mendon se je.
Në shtëpi jam një djalë i mrekullueshëm : por nuk dua që bota ta dijë këtë. Kam arritur në përfundimin se njerëzit kokulur nuk shkojnë shumë larg.
Boksi përbëhet më së shumti nga njerëz të bardhë që shikojnë dy zezakë duke ia veshur njëri-tjetrit me grushta.
Fluturo si zog, picko si bletë.
Miqësia nuk është diçka që ti e mëson në shkollë. Por nëse ti nuk e ke mësuar kuptimin e miqësisë, atëherë vërtetë ti nuk ke mësuar asgjë.
Ti urresh njerëzit për shkak të ngjyrës është gabim. Nuk është puna se cilën ngjyrë je duke urryer. Është krejt gabim.
Ai që nuk është mjaft trim për t’u përballur me rreziqet nuk do të arrijë asgjë në jetë.
Unë jam astronaut i boksimit. Joe Louis dhe Dempsey ishin vetëm pilotë. Unë jam në një botë krejt timen.
|
|
|
Vjedhje në shtëpinë e ish-Zonjës Sarkozi me një vlerë prej 500 mijë Euro
E Djelë, 02.01.2009, 05:04pm
Voal-online - Përsëri në qendër të vemendjes Cecilia, ish-bashkëshortja e presidentit të Francës Sarkozi, tash e martuar me publicistin dhe botuesin Richard Attias. Nuk është fjala për ndarje apo për një divorc të ri, as për sagat e saj sentimentale, por sepse kësaj here shtëpia e zonjës francese në Paris në lagjen Neuilly-sur-Seine, është vizituar nga vjedhësit, të cilët janë larguar prej andej me një vlerë prej 500 mijë eurosh, duke marrë me vete xhevehiret e ish-zonjës të parë. Sipas gazetetës francese Le Parisien, vjedhja është bërë në fillim të janarit, por lajmi është bëri i njohur vetëm tani, në shtëpi nuk jetonte askush, as edhe ndonjë mace, pasi Cecilia dhe bashkëshorti i saj jetojnë në Dubai, kështu që hajdutët kanë hyrë me lehtësi të madhe, duke thyer vetëm një xham të dritares. A është e shqetesuar Cecilia pas kësaj. S’na e ha mendje sepse xhevahiret e saj duhet të jenë të siguruar.
|
|
|
Australian Open - Roger Federer shkëlqen - Gjokoviç dorëzohet
E Djelë, 02.01.2009, 04:52pm
27 Janar - Voal-online - Në çerek finalet e Australian Open përfundoi ëndërra e serbit Novak Djokovic i cili nuk arriti që të mbronte titullin e tij. Në fushën e tenisit në Melbourne, Djokovic nga stresi i madh detyrohet që ta braktisë fushën ndërsa po ndeshej me amerikanin Andy Roddick i cili ishte në epërsi të padiskutueshme. Serbi hoqi dorë pas një gjendje fizike të dobësuar. Në fillim ka kërkuar një stop për t’u vizituar nga mjeku, pastaj ka provuar që ta rivazhdojë lojën por më kot, duke u detyruar që të dorëzohet.
|
|
|
Milan sfidoi Mançester Siti dhe Kakà sfidoi sheikun miliarder
E Djelë, 02.01.2009, 04:49pm
20 Janar - Voal-online _ Kakà do të qëndrojë me Milan. Tani nuk bëhet më fjalë për transferimin e Kakà në Manchester City, duke u hedhur në erë një mal me para. Garry Cook, presidenti ekzekutiv i klubit anglez bën me faj Milan: "Kakà ishte në shitje, por ne nuk arritëm kurrë që të flisnim vetëm me lojtarin brazilian. Sipas opinionit tim, Milan e ka izoluar, e ka blinduar, duke e vënë nën presion të politikës dhe të opinionit publikâ€. Dhe Cook vazhdon mllefin kundër Milanit të Berluskonit, si shkaktar të ndryshimit të skenarit. Cook sulmon dhe avokatët e lojtarti : "Kemi folur edhe me të jatin, i cili ishte shumë i interesuar për propozimin ".
|
|
|
Sheiku Mansur deklaron: "Kakà është tashmë lojtar i Manchester City"
E Djelë, 02.01.2009, 04:48pm
17 janar - Voal-online - Marrëveshja e shekullit u arrit, Kakà u shit nga Milan dhe u ble nga Mançester Siti. Lojtarit do t’i jepen 500 mijë Euro për javë, ndërsa skuadrës së Milanit iu dhanë 115 milionë Euro. Pas kësaj pati shpërthim kritikash. Sir Alex Ferguson tha se "Nuk bëhet kështu me skuadrat", ndërsa tifozët e Milan protestuan kundër shitjes. . Por përpara ofertës legjendare të sheikut Mansour, ofertë që ka arritur në kohë krize ekonomike, askush nuk mund të kthehet prapa. Milan do të marrë 115 milionë Euro, ndërsa Kakà 15 milionë Euro në vit. Këtë ofertë ardhur në kohë krize, nuk mund ta kundërshtojë as vetë Kryeministri i Italisë.
|
|
|
Faqe 2649/2659: « :: ... 2646 2647 2648 2649 2650 2651 2652 ... :: »
|