Kryeministri i Qeverisë së Republikës së Kosovës, Hashim Thaçi pasi bëri homazhe pranë varrit të Presidentit Rugova, para gazetarëve tha se është një traditë e mirë e institucioneve të Republikës së Kosovës për respektimin e personaliteteve bartëse të institucioneve të Kosovës. "Kjo ardhje sot është homazhi i parë (për Rugovën) në shtetin e pavarur, sovran dhe demokratik të Kosovës, i vlerësimit të personalitetit të tij në procesin në kontinuitet të angazhimeve për pavarësinë e Kosovës", ka thënë kryeministri Thaçi.

VOA -Presidenti Barak Obama pritet të merret me çështje të politikave të jashtme dhe ekonomike gjatë ditës së tij të parë të punës si President i Shteteve të Bashkuara. Këshillitarët e tij thonë se ai do të takohet me ekipin e Sigurisë Kombëtare për të rivlerësuar luftrat në Irak dhe Afganistan. Sipas njoftimeve, këshilltarët e zotit Obama thonë se ai do të emërojë senatorin Xhorxh Miçëll si të dërguar për Lindjen e Mesme. Po sot presidenti pritet të takohet me këshilltarët e tij ekonomikë.

Ish presidenti Xhorxh Bush tha pas kthimit në qytetin Midlend të Teksasit se ai u largua nga Shtëpia e Bardhë pa hidhërim dhe se kthimi në shtëpinë e tij është një moment i bukur. Ai dhe zonja e tij Laura u përcoll për tek helikopteri nga Presidenti Obama dhe Zonja e Parë Mishel. Helikopteri kishte destinacion bazën ajrore  Andrew ku e priste avioni Air Force One, që ishte i njëjti avion, por me emërtim tjetër, Air Force 7000, me të cilin Bush do të shkonte në Dallas në shtëpinë e tij të re.

20 janar (Voal-online) “Unë, Barak Obama, betohem solemnisht se do ta përmbush besnikërisht detyrën e Presidentit të Shteteve të Bashkuara të Amerikës, do ta ruaj dhe do ta mbroj, më së miri, Kushtetutën e Shteteve të Bashkuara të Amerikës, pra Zoti më Ndihmoftë.” Kështu është betuar Barak Obama para kryetarit të Gjykatës Supreme John Roberts dhe është kështu Presidenti i 44-t i Shteteve të Bashkuara të Amerikës. Më shumë se dy milionë veta erdhën në Washington për të marrë pjesë në përurimin historik.

VOA - Britanikët presin shumë nga Barack Obama. Tim Rivers i Zërit të Amerikës vizitoi në një lokal në pjesën perëndimore të Londrës për të parë nga afër këtë atmosferë.

Në të gjithë Evropën, Barak Obama shihet si një udhëheqës që mund të bëjë ndryshime. Ai shihet si një president që mund të përmirësojë imazhin e Amerikës në botë dhe të rikthejë sensin e bashkëpunimit mes miqëve të vjetër dhe mes aleatëve. Këtu në barin King’s Fairway pranë aeroportit Heathrow, mbizotëron mendimi se Obama ka gjetur njerëzit që do të ndryshojnë gjërat për më mirë.voal-online

20 janar (Voal-online) Barack Obama e filloi ditën e sotme me pjesëmarrjen në një shërbim kishëtar afër Shtëpisë së Bardhë pak orë para betimit si Presidenti i 44-t i Shteteve të Bashkuara të Amerikës. Në Kishën Ipeshvnore të Shën Gjonit, që njihet si “kisha e presidentëve”, çifti Obama arritën në një limuzinë të zezë, Atje i priste nënpresidenti Joseph R. Biden Jr. dhe e shoqja e tij Jill Biden. Pastaj Presidenti Obama dhe nënpresidenti Biden patën një takim me Presidentin Bush, nënpresidenti Cheney dhe liderët e Kongresit Amerikan për të pirë një kafe në Shtëpinë e Bardhë.

20 janar (Voal-online) - Autobusët, gjithsesi, janë mjetet më të parapëlqyera me të cilat zezakët amerikanë kanë ardhur në Washington D.C. për të marrë pjesë në kremtimet e përurimit të Presidentit të 44-t të Shteteve të Bashkuara të Amerikës. Sepse autobusët mishërojnë një simbolikë të veçantë në lëvizjen amerikane për të drejta qytetare të njerëzve me ngjyrë. Ishte Rosa Parks ajo që mbahet si paraprirëse e kësaj lëvizje, kur ajo nuk pranoi ta lironte vendin e saj në autobus në Montgomery, Alabama, në 1955. Sipas ligjit të atëhershëm, ajo duhej t’ia lironte vendin një pasagjeri të bardhë.

NGA ELIDA BUÇPAPAJ

Më 26 mars 1959, para një galaje në kremtim të 85 vjetorit të tij, Frost dha një konferencë shtypi në hotelin Waldorf-Astoria në New York City. Mes pyetjeve të bëra ishte lidhur me tatëpjetën e mundshme të New England, së cilës Frosti iu përgjigj: “Presidenti i ri i Shteteve të Bashkuara të Amerikës do të jetë nga Bostoni. A tingëllon kjo sikur New England po merr tatëpjetën?” I shtrënguar të përmendte emrin, Frost u përgjigj: “Ai është një Puritan i quajtur Kennedy. Të vetmit Puritanë të mbetur në ditët tona janë katolikët romanë. Ja. Më duket se e kam politikën më pranë se këmishën.”