VOAL - Online Zëri i Shqiptarëve - FTESA NDAJ QYTETARËVE TË KOSOVËS DHE LUGINËS SË PRESHEVËS - NJË LËVIZJE TJETËR MË SE BOSHE E TIRANËSNga SKËNDER BUÇPAPAJ

Njëri ndër dy vendimet 'atdhetare' që mori qeveria e Tiranës më 7 maj ishte ai "për shmangien e lejeve të punësimit për qytetarët e Kosovës dhe ata të Luginës së Preshevës". Duke shpjeguar 'rëndësinë' e vendimit, ministri i Mirëqenies Sociale Erjon Veliaj tha se "qytetarët e Kosovës dhe të Luginës së Preshevës nuk do të duhet t'iu nënshtrohen më asnjë procesi burokratik aplikimi për leje pune apo për certifikata të regjistrimit për punësim", duke shtuar se "deri tani 80 përqind e kërkesave kanë qenë nga sipërmarrës që duan të zhvillojnë një aktivitet ekonomik në Shqipëri".

Duke shpjeguar shpjegimin e Veliajt, do thënë se, në të vërtetë, nuk kemi të bëjmë aspak me një gjest bujar nga ana e qeverisë së Shqipërisë, vendit amë të shqiptarëve jashtë kufirit shtetëror. Sepse, së pari, vendimi nuk bën dallim përkatësie kombëtare të qytetarëve të thjeshtë apo të sipërmarrësve nga Kosova apo nga Lugina e Preshevës. Në nocionin "qytetarët" përfshihen të gjitha përkatësitë kombëtare të këtyre dy hapësirave shqiptare. Edhe nëse kërkesat e deritashme kanë qenë vetëm nga qytetarë të thjeshtë a sipërmarrës shqiptarë, ftesa e bërë nga qeveria, në fakt, i 'nxit' të gjithë për të punuar dhe, kryesisht, për të investuar në Shqipëri.

Së dyti, vendimi nuk është aspak atdhetar. Një vend amë ka interes për ta çuar zhvillimin, mirëqenien dhe qëndrueshmërinë në të gjithë hapësirën e vet etnike. Dhe kjo nuk bëhet vetëm duke thithur krahë pune dhe investime nga ajo hapësirë, por kryesisht dhe para së gjithash duke investuar me përparësi të veçantë në atë hapësirë.

Duke qenë gjithnjë tek kjo pikë - akti më përparësor dhe më i kohës që mund të ndërmerrte Tirana në këto dy hapësira, do të ishte stimulimi i gjithanshëm i rritjes së kapaciteteve investuese të sipërmarrësve shqiptarë të Kosovës e të Luginës në vetë hapësirat përkatëse.

Papunësia në Republikën e Kosovës është më e madhja në rajon dhe në kontinent. Në Luginën e Preshevës papunësia është shumë më e madhe edhe se në Kosovë. Nëse Tirana do të ishte e interesuar për ta zbutur këtë plagë në këto dy hapësira, atëherë do të kishte bërë çdo përpjekje për të investuar vërtet në mënyrë bujare vëllazërore në këto dy hapësira. Ndoshta do ta kishte pasur më të vështirë të investonte drejtpërdrejt në Luginën e Preshevës, por do ta kishte pasur gjithsesi më të lehtë se Prishtina.

Shtresa më e prekur nga papunësia, si kudo tjetër, në këto dy hapësira është rinia. Duke i ftuar për punësim të lehtësuar në Republikën e Shqipërisë, Tirana e fton rininë të largohet nga hapësirat e saj, nga fshatrat dhe qytetet e lindjes, dhe të përshkallëzojë tkurrjen e substancës shqiptare atje. Në thelb, pra, ftesa e bërë nga Tirana jo vetëm që nuk është atdhetare, por në të vërtetë, është kundëratdhetare.

Vendimi i 7 majit i Tiranës, mjerisht, zbulon një të vërtetë, të cilën nuk mund ta kamuflosh edhe po të duash: Republika e Shqipërisë vuan për investime nga jashtë vendit. Vuan në mënyrën më klithëse. Dhe për të gënjyer sadopak urinë e brendshme, qeveria shpall lehtësimet për sipërmarrësit nga Kosova e nga Lugina e Preshevës.

Me të drejtë, ky vendim nuk u muar dhe aq seriozisht nga opinioni në këto dy hapësira shqiptare. Por duket se Prishtina do ta pasuaka shembullin e Tiranës, duke iu shpallur edhe ajo ftesë qytetarëve dhe sipërmarrësve nga Lugina e Preshevës për lehtësime punësimesh dhe investimesh.

Në këtë mënyrë, vendimi i 7 majit mbetet një lëvizje më se boshe e qeverisë së Shqipërisë. Atë nuk mund ta vendosësh në asnjë kontekst tjetër normal, përveçse në kuadrin e folklorit që ka karakterizuar marrëdhëniet mes dy kryeqyteteve shqiptare gjatë këtyre viteve, folkor që ka prirjen të jetë gjithnjë e më i bujshëm aq sa edhe më pa përmbajtje.

Prandaj as në të ardhmen, së paku në atë më të afërmen, nuk mund të pritet një ndërmarrje serioze qoftë e njëanshme nga Tirana ose Prishtina, qoftë dypalëshe - nga të dyja kryeqytetet së bashku, aq më tepër nuk mund të pritet për ndonjë projekt serioz që t'i përfshinte masivisht, mundësisht të gjithë faktorët investues shqiptarë kudo që ata ndodhen.

©
Temë për debat
DEFETARIZIMI I POLITIKËS DHE DEPOLITIZIMI I FESË
Nga SKËNDER BUÇPAPAJ

E Mërkurë, 04.09.2014, 07:56am
SFIDË NDAJ SKEMAVE
Libri 'Traumat e tranzicioni' i Elida Buçpapajt
Nga SKËNDER BUÇPAPAJ

E Hënë, 04.07.2014, 09:32pm
Ftesa këtuT'I DREJTSHKRUAJMË SHQIP EMËRVENDET ZVICERANENga SKËNDER BUÇPAPAJ (03.17.2014)
PS TË MOS IMITOJË PD-në, PD TË MOS IMITOJË PS-në
Nga SKËNDER BUÇPAPAJ
E Mërkurë, 03.05.2014, 11:47am
Këndi këtu
SI TË UROJMË
Nga SKËNDER BUÇPAPAJ
E Hënë, 02.17.2014, 06:50pm

SHPEND MOS U ÇMEND
Nga SKËNDER BUÇPAPAJ
E Mërkurë, 02.12.2014, 10:28am

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am