Para dy netësh tek Ora News, në emisionin "Ora e Debatit", Alfred Peza kishte ftuar opinionistët Artur Zheji, Henri Çili, Ilva Tare dhe Andi Bushati. Tema e bisedës kishte të bënte me "sëmundjen e politikës shqiptare" dhe shtrohej pyetja nëse ngjarjet e fundit a rrezikojnë ta çojnë vendin në zgjedhjet të parakohëshme?
Kur themi "ngjarjet e fundit", është fjala për kryelajmin që vazhdon të mbushë gazetat e majta, ku futet në fokus motra e ministres Bregu, i shoqi i së cilës kishte hyrë në biznes me të birin e mafiozit Albino Prudentinos, të posa arrestuar nga policia shqiptare me kërkesë të prokurorisë italiane, i akuzuar për veprimtari kriminale.
Lajm tjetër ishte edhe qëndrimi kritikues i deputetit të PD-së Gazmend Oketa ndaj demokracisë në Parlament. Gazmend Oketa, ish-Ministër i Mbrojtjes, një politikan i ri në moshë me profil liberal, nga një studio e TopChannel-it kritikoi direkt me emër. Qëndrime të ngashme me Oketën kanë mbajtur më herët se ai edhe Aleksandër Biberaj, Bujar Leskaj.
Në listën e ngjarjeve që përbëjnë lajm ishte edhe largimi i deputetit Paulin Stërkaj nga rradhët e PD-së, i pritur duarhapur nga lideri i opozitës Edi Rama, i cili kërkon ta kthejë në Levën e Arkimedit, diferencën e ngushtë të votave midis maxhorancës dhe minorancës.
Ky ishte edhe sfondi i "Orës së Debatit", ku debatuesit, pavarësisht simpative të tyre, mbajtën qëndrime shumë civile, të cilat sot i ndesh me vështirësi, kur ke parasysh politizimin e skajshëm të gazetarëve në Shqipëri, qëndrimet e tyre tejskajshmërisht servile apo tejskajshmërisht a priori kundër.
Sali Berisha, figura më e spikatur e pluralizmit në Shqipëri, gjatë këtyre pesë viteve e ca të rikthimit të tij në pushtet, ka pasur arritje të pakundërshtueshme, të cilat nëse do t'i kishin pasur kundërshtarët e tij më të egër, përfshi këtu edhe Edi Ramën, do të pretendonin që të qëndronin në pushtet të paktën edhe 10 vjet të tjera.
Futja e Shqipërisë në NATO, është sukses direkt i Berishës; Rruga e Kombit është sukses direkt i Berishës; mospërfshirja e Shqipërisë në krizë, kur e gjithë bota u kall prej saj, është sukses direkt i Berishës; liberalizimi i vizave është po ashtu direkt sukses i tij, projekti i Rrugës së Arbërit etj. etj.
E megjithatë, në këtë kontekst suksesesh, sipas Artur Zhejit, Shqipëria rrezikon të futet në zgjedhje të parakohëshme, nëse Berisha nuk ndërmerr masa të shpejta, energjike dhe efikase, çka është absolutisht e mundëshme dhe pa asnjë çmim apo vështirësi për kryeministrin e Shqipërisë.
Duke qenë pragmatist sa herë ia la lypur nevoja, siç ishte edhe aleanca me LSI, Berisha duhet të llogarisë mirë elektoratin e partisë së tij. Ky elektorat nuk ka të bëjë fare, ose ka të bëjë shumë pak me një grusht super të kënaqurish. Sali Berisha duhet të llogarisë çdo votë që forcon integritetin e plotë të forcës politike që ai drejton.
Në kushte të tilla, Berisha duhet të rifillojë punën për zhdërvjelltësimin e forumeve të PD-së, për riafrimin me presidentin Topi, për një rikonceptim të qeverisë, që do të evitonte ministra me dy mandate të cilët nuk përbëjnë domosdoshmëri për ekzekutivin, si dhe riafrim me simpatizantët apo figurat me integritet që e kanë mbështetur gjithnjë PD-në dhe sot ndihen të përjashtuar. Ky përjashtim është bërë nga një "grusht njerëzish që rrethojnë kryeministrin" që sipas Ilva Tares kërkojnë sa më tepër pushtet, duke lënë pjesën tjetër me gisht në gojë. Ilva Tare po ashtu vuri në dukje mungesën e pranisë së organeve të drejtësisë, vendin e së cilës pa të drejtë e kanë zënë partiakët, që përpara mikrofonëve dhe kamerave sulmojnë e kundërsulmojnë njeri-tjetrin.
Në "Orën e Debatit" po ashtu u kërkua që Berisha të jetë koherent dhe të mbajë të njëjtin qëndrim si për Ylli Pangon apo Ilir Rusmajlin edhe me rastet më të fundit, që janë publikuar në shtyp. Siç ishte edhe rasti i ministres Bregu, e cila megjithëse u betua se do ta hedhë në gjyq Ed Ramën, nuk ndodhet në një situatë interesante, megjithë suksesin që ka pasur dikasteri i saj, apo performancën e saj të mirë.
Është një shprehje shumë e njohur që thotë "më mbro nga miqtë se nga armiqtë mbrohem vet", që do të ilustronte situatën aktuale politike të maxhorancës, të cilën kryeministri i Shqipërisë ka mundësi ta riparojë pa pasur asnjë dhimbje. Ky riparim i duhet si për të ardhmen ashtu edhe për çdo rast emergjence.
Duke pasur edhe një herë parasysh arritjet e Berishës në mandatin e tij të parë, në kontekstin e interesave kombëtare të Shqipërisë, të cilat do të përvijojnë edhe në mandatin e dytë, lind pyetja e përse ta humbë pushtetin, kur integritetin dhe efikasitetin e qeverisë së tij mund ta mbrojë vetëm me një operacion shërues.
(Ky opinion është botuar tek Bota Sot më 4 Tetor)
BERISHA MUND TA FORCOJË KREDIBILITETIN E QEVERISË PA KURRËFARË DHIMBJE
NGA ELIDA BUÇPAPAJE ARDHMJA E FATMIR SEJDIUT
Nga ELIDA BUÇPAPAJ"ŽFATMIR SEJDIU DHA DORËHEQJEN SI SHKELËS I KUSHTETUTËS
Nga ELIDA BUÇPAPAJREZOLUTA E 28-SHES KA RRITUR AGRESIVITETIN E SERBISË
NGA ELIDA BUÇPAPAJPavarësia e Kosovës në shërbim të paqes dhe stabilitetit afatgjatë të të gjithë Evropës
JO PROFILIT KONTRAVERS TË Z. KATHY ASHTON !
NGA ELIDA BUÇPAPAJ
AMERIKA & BRUKSELI, JO BRUKSELI "SOLO"
NGA ELIDA BUÇPAPAJSA HERË AFROHEN ZGJEDHJET RAMUSH HARADINAJN E ÇOJNË NË HAGË
NGA ELIDA BUÇPAPAJ14 Shtator 1998 - 14 Shtator 2010
E KUR AZEM HAJDARI DO TË KTHEHET NË NJË SIMBOL TË PËRBASHKËT TË PLURALIZMIT SHQIPTAR ?
NGA ELIDA BUÇPAPAJALL TOGETHER NOW - TË GJITHË SË BASHKU TANI !
NGA ELIDA BUÇPAPAJPROJEKT-REZOLUTA KAMALEON E 28-SHES ?!
NGA ELIDA BUÇPAPAJESHTON NUK MUND T'I GJUNJËZOHET TADIÇIT
Nga ELIDA BUÇPAPAJ
KATEDRALJA E NËNË TEREZËS E BEKUAR NGA RUGOVA SHPREHJE E PASURISË KOMBËTARE DHE EVROPIANE
Nga ELIDA BUÇPAPAJ
VENDET E NATO-S E ÇLIRUAN KOSOVËN, NJOHËN PAVARËSINË E SOT E MBËSHTESIN FUQISHËM NË METROPOLET E DIPLOMACISË BOTËRORE
Nga ELIDA BUÇPAPAJ
DELIRI I VUK JEREMIÇIT FIKET PËRBALLË LIQENIT TË PERUÇACIT
Nga ELIDA BUÇPAPAJUNIFIKIMI I FAKTORIT POLITIK NË SHQIPËRI NË SHËRBIM TË KOSOVËS DETYRIM EVROPIANO-KOMBËTAR
Nga ELIDA BUÇPAPAJ
SHQIPËRIA NDRYSHE NGA ÇEKIA
Nga ELIDA BUÇPAPAJ
Comments (2)
Dërgoja shokut
Printo
