Në foto Dr. Michael Spindelegger

Evropa e ndjeshme ndaj Tiranës, pas Italisë, Suedisë dhe Britanisë vjen deklarata e fortë e Vienës. Austria kushtëzon negociatat mbi kërkesën e pranimit të Islandës në Bashkimin Europian me diskutimin mbi të njëjtën çështje për Shqipërinë dhe Kroacinë. Deklarata e fortë është e ministrit Federal të Punëve të Jashtme të Austrisë, Dr. Michael Spindelegger, në një konferencë për shtyp të mbajtur në Vjenë. Kreu i diplomacisë austriake u shpreh se, "Çelja e negociatave mbi kërkesën e Islandës për t'u anëtarësuar në BE duhet të përfshijë detyrimisht edhe kërkesën e Kroacisë dhe Shqipërisë". Sipas tij, çelja e negociatave të Islandës me BE-në do të kushtëzohet vetëm nëse në këto negociata do të përfshihet bashkërisht edhe Kroacia dhe Shqipëria. Deklaratat e forta pro integrimit të dy vendeve tashmë anëtare të NATO-s, kanë patur jo pak jehonë në shtypin austriak.

Të nderuar miq, Në radhë të parë dua t’ju falenderoj të gjithëve, pa asnjë përjashtim për betejën e përbashkët të datës 28 qershor, një betejë në të cilën pa asnjë dyshim secili prej nesh këtu bashkë me më shumë se 60 mijë anëtarë të PS, besoi dhe luftoi për një Shqipëri më të mirë dhe më të begatë se ajo që kishim dhe ajo që mesa duket do të kemi pas 28 qershorit. Kam parë kandidatë, komisionerë, gra, burra të rinj dhe të moshuar, fëmijë të cilët nuk kursyen asgjë për fitoren tonë. Ata sot duhen falënderuar, sepse ata ishin shpresa, qëllimi dhe e vërteta që na shtyu në këto zgjedhje. Ata ishin arsyeja e këtyre zgjedhjeve, dhe unë sot kam ardhur këtu të flas në emër të tyre.
***
Sot ne jemi mbledhur për të kuptuar se çfarë ndodhi në 28 qershor. Sot jemi mbledhur për të kuptuar arsyen e 28 qershorit. Sot jemi mbledhur për të folur në emër të së vërtetës, dhe unë do përpiqem të them të vërtetën time.

Voal-online –Agjencia italiane e lajmeve ANSA, në një raportim nga Tirana pas mbledhjes së Asamblesë së Partisë Socialiste thotë se lideri i opozitës së majtë të Shqipërisë, Edi Rama, kryetari aktual i bashkisë së Tiranës do të rikandidojë për kryetar të Partisë Socialiste.

Rama, nënvizon agjencia, është detyruar të heqë dorë nga drejtimi I Partisë Socialiste (PS) pas humbjes në zgjedhjet politike të 28 qershorit: vendimi është marrë në mbrëmje në mbledhjen e Asamblesë Kombëtare të PS, organi më i lartë drejtues i partisë, në pajtim me nenin e statutit që parashikon automatikisht ndërprerjen e mandatit të kryetarit të partisë në rast të humbjes zgjedhore.

Në sfidën e 28 qershorit, konsideruar nga opozita si “të deformuara rëndë nga vjedhjet dhe nga parregullsitë”, koalicioni i prirë nga Rama ka arritur të marrë vetëm 66 nga 140 vende të parlamentit shqiptar, ndërsa koalicioni i djathtë i kryeministrit Sali Berisha 70 vende, duke garantuar një mandat të dytë në krye të vendit falë një marrëveshjeje me partinë Lidhja Socialiste për Integrim, forcë e majtë që ka marrë 4 vende, vazhdon më tej ANSA.

Për fatin e keq të shqiptarëve PS dhe koalicioni i saj nuk arriti ta largonte qeverinë Berisha nga pushteti. Kjo ndodhi, pavarësisht se pasojat e keqqeverisjes së saj u ndjenë që gjatë zgjedhjeve, vendi dështoi të përfitonte vizat, miliarda lekë investime elektorale janë keqpërdorur, kriza ekonomike i ka goditur rëndë shqiptarët, perspektiva ekonomike e vendit është në risk.

Ky është një moment shumë kritik për të gjithë ne socialistët. Çdo forcë politike lufton me tërë kapacitetet e saj që të jetë pjesë e momenteve historike të vendit. Sot vendi ka si moment historik anëtarësimet në institucionet ndërkombëtare. Edhe pse e nxorëm vendin nga kriza e tij më e rëndë sociale, edhe pse u kthyem shqiptarëve lirinë e munguar dhe shpresën për të ardhmen, edhe pse plotësuam 8 nga dhjetë planet e veprimit për anëtarësimin në NATO, ne nuk u gjendëm në mazhorancë në këtë moment historik.

Historia politike do të bëjë analizat e saj, Partia Socialiste e meritonte të ishte mazhorancë në zgjedhjet e vitit 2009 dhe të përshpejtonte proceset e ngadalësuara të përfitimit të lëvizjes së lirë apo të përfitimit të statusit të vendit kandidat.

"Çdo forcë politike në një kohë moderne mund të realizojë misionin e saj shumë më mirë në institucionet parlamentare sesa në bojkotimet parlamentare", thotë Arben Malaj, anëtar i Kryesisë së Partisë Socialiste në intervistën për Radion Evropa e Lirë.

Nënkryetari i Lidhjes Demokratike të Dardanisë Berim Ramosaj, ka braktisur radhët e kësaj partie, duke dhënë dorëheqje të parevokueshme. Në një konferencë për media, Ramosaj sot ka sqaruar se ai largohet nga LDD për shkak të mungesës së debatit rreth propozimit të tij për bashkim të LDD-së me LDK-në.

"Dorëheqja ime le të jetë motiv shtesë dhe inkurajim për të gjithë anëtarët dhe simpatizantët e LDD-së për të promovuar dhe zhvilluar idenë e bashkimit dhe integrimit si vlera të papërjashtueshme të filozofisë politike Rugoviane", ka thënë Berim Ramosaj.
Ramosaj tha se do të jetë deputet i pavarur në Kuvendin e Kosovës.
LDD ka pranuar dorëheqjen e nënkryetarit te saj Berim Ramosaj nga kjo pozite dhe nga anëtarësimi ne parti, tha sekretari i përgjithshëm i LDD-se, Lulzim Zenelaj në një konference per media.

Zoti Majko, cili është mendimi juaj për këtë proces?
Një histori e vjetër, e cila pavarësisht nga ndryshimet që ndodhin, mbetet e njëjta. Kjo situatë tregon që kemi ende një sistem politik i cili nuk ka prodhuar zgjedhje të cilat brenda 24 orëve të japin fituesin apo humbësin, të cilat në një farë mënyre e lodhin qytetarin e Shqipërisë. Disa ditë më parë kishim përfaqësuesin e qeverisë i cili thoshte se maxhoranca ka fituar 71 vota, dhe tani këto vota hap pas hapi janë duke marrë numërimin mbrapsht. U fitua mandati i 9-të në Fier nga PS-ja dhe sigurisht, pritet hapja e kutive në Tiranë, Shkodër dhe në Berat.