VOAL - Online Zëri i Shqiptarëve - SHKARKIMI I SHEFIT TË SHISH VEPRIM AUTODESTRUKTIV I SHEFIT TË EKZEKUTIVIT TË SHQIPËRISËNga ELIDA BUÇPAPAJ

Shkarkimi i kreut të SHISH përmes dekretit të Presidentit të Republikës me kërkesë të kryeministrit të Shqipërisë, ishte një veprim i nxituar, i gabuar dhe autodestruktiv për shefin e qeverisë. Ky ishte pak a shumë teksti i një statusi që e vendosa në Facebook, i cili hapi diskutime të ndryshme.

Përpjekjet për ndryshimin e kreut të SHISH janë një histori e njohur, të paktën disavjeçare. Në vitin 2010 Parlamenti i Shqipërisë, prej presionit të ndërkombëtarëve, NATO-s dhe BE-së, ngrin procedurat për Ligjin e SHISH, ku kufizohej mandatit i kreut të tij. Po citoj këtu një deklaratë të Ambasadores britanike McIlwham, e cila nënvizonte faktin se "SHISH është një partner i denjë i ndërkombëtarëve dhe reforma nuk duhet të nxitohet". Kështu ka thënë ambasadorja britanike asaj kohe, duke shtuar se ndarja e pushteteve ka rëndësi të madhe.

Kur kemi parasysh atë që ndodhi pas 1997, ku në mes të Tiranës u vra deputeti Azem Hajdari dhe u kryen shumë vrasje politike, periudha prej 2005 deri dje, që koincidon me kohën edhe kur ish-kreu i SHISH drejtonte këtë institucion dhe Berisha kryesonte qeverinë, megjithë klimën shumë të acaruar midis maxhorancës dhe opozitës, SHISH përmes bashkëpunimit me Aleatët tanë strategjikë, NATO, SHBA dhe BE ka arritur që luajë rol pozitiv në ruajtjen e stabilitetit dhe sigurisë të Shqipërisë.

Fakti që kreu i SHISH u propozua nga Fatos Nano, i cili është rival i Edi Ramës, është një provë tjetër që dëshmon se ish-kreu i SHISH ishte figurë e pastër dhe prandaj ai gëzonte mbështetjen e institucioneve Euro-Atlantike. Është i njohur fakti se në Tiranë erdhi vetë Shefi i NATO-s Zoti Rasmussen për të ushtruar ndikimin e tij që Parlamenti i Shqipërisë të mos merrej me reformimin e SHISH, sepse në fakt kishte plot punë dhe detyrime të tjera, siç është dorëzimi i imunitetit, ku ndërkombëtarët kërkojnë votimin e heqjes së tij dhe ky obligim ka të paktën dhjetë vjet që bie në vesh të shurdhër!

Ish kreu i SHISH, Bahri Shaqiri, i dekretuar nga ish-presidenti Moisiu më 2005 me kërkesë të Fatos Nanos, që ishte kryeministër i asaj kohe, është i datëlindjes 1970, pra iu takon gjeneratave të reja. Me punën e tij Shaqiri ka fituar simpatinë e aleatëve tanë strategjikë, të cilët e kanë marrë atë në mbrojtje duke i bërë vazhdimisht presion Berishës që të mos merret me këtë institucion.

Kaq do t"˜i duhej Berishës që ta hiqte ndryshimin e kreut të SHISH nga axhenda e tij politike. Duke mos qenë i zgjedhur prej Berishës, ish-shefi i SHISH, ndërkohë ka qenë njëri nga institucionet që ka garantuar sistemin dhe kjo ka patur efekt pozitiv në qeverisjen e Berishës. Paçka se Berisha për gjatë shtatë viteve mund të jetë takuar vetëm një herë me kreun e shërbimit sekret, ndryshe nga si veprojnë aleatët tanë strategjikë, që mbajnë lidhje të ngushta me krerët e institucioneve të tilla, nga ish-kreu i këtij institucioni është mbajtur një qëndrim shumë korrekt në raport me shefin e qeverisë. Këtë konkluzion e nxjerr analisti më i papërvojë, po t'iu referohet fakteve. Berisha nuk duhet të harronte as faktin se kur PD i fitoi zgjedhjet më 2005, pas 8 vite opozitë kreu i SHISH ishte Bahri Shaqiri. Po ashtu edhe më 2009.

Por, problemi kryesor, që do të duhej ta frenonte Berishën të ndërmerrte veprime të tilla, nën temperaturat afrikane të cilat kanë përfshirë vendin, është pikërisht interesimi i Aleatëve strategjikë për ish-kreun e SHISH, të cilët e marrin vesh këtë lajm jo drejtpërdrejt, pra as nga Presidenti dhe as nga kryeministri, por në mënyrë të tërthortë, ndërsa vetë ish-kreu i SHISH e mëson këtë lajm përmes radios, pasi ishte me pushime! Po ku jemi këtu? Pra, më e pakta që mund të thuhet, ky është një xhest i gabuar, jo i matur mirë i Berishës, sepse Presidenti i Republikës menjëherë, e kishte paralajmëruar se shkarkimi i njëshit të SHISH është kompetencë e kreut të ekzekutivit.

Sali Berisha, duhej të mos harronte kurrë se sa herë Ambasadori Arvizu është anatemuar nga opozita duke u cilësuar si "Mbrojtësi i Berishës". Në fakt, Ambasadori i SHBA-ve e kishte marrë në mbrojtje Sali Berishën jo për arsye private, por sepse kështu ishte e drejta dhe sepse ky qëndrim i tij ishte në respekt të plotë me atë të qeverisë së SHBA dhe Presidentit Obama. E njëjta gjë vlente edhe për ish-kreun e SHISH. Ky person, në saj të bashkëpunimit të ngushtë me aleatët tanë jetikë, NATO, SHBA dhe BE, kishte fituar simpatinë dhe mbështetjen e tyre. Dhe këtë gjë e dinin të gjithë në Shqipëri, pozita, opozita, parlamenti, qeveria!

Pse ky ishte prioritet i qeverisë të Tiranës? Të shkarkonte një zyrtar të lartë me integritet që kishte dëshmuar me prova se ishte një zyrtar sipas standardeve Perëndimore, homolog i denjë me partnerët tanë jetikë Perëndimorë?

Jo, assesi nuk ishte ky prioritet, as i presidentit dhe as i shefit të qeverisë, bile ky veprim i nxituar për Berishën është autodestruktiv, dëmton imazhin e tij, të qeverisë së tij, në një moment kur gjithë aleatët tanë jetikë ishin fokusuar tek çoroditja e shefit të opozitës, i cili nuk lejoi votimin e heqjes së imunitetit të deputetëve më 6 gusht, dhe kjo çoroditje e rivalit të tij, e kishte nxjerrë atë në pah për të mirë.

E ç'i duhej një hap i tillë!

KA ARDHUR KOHA TË NDËSHKOHET KJO KLASË POLITIKE MIZERABËL!
Nga ELIDA BUÇPAPAJ
E Martë, 08.07.2012, 11:20am

PO NUK VOTUAN MË 6 GUSHT, ED RAMA « OUTSIDER »- PS DEL NË PENSION
Nga ELIDA BUÇPAPAJ
E Shtunë, 08.04.2012, 10:08am

MISTER, HESHTJE E PLOT PIKËPYETJE PËR VDEKJEN TRAGJIKE TË ALI PODRIMJES - SALI BERISHA DO TË DUHEJ TË ISHTE NË KONTAKT PREJ TË MARTËS ME PRESIDENTIN HOLLANDE Nga ELIDA BUÇPAPAJ
E Djelë, 07.22.2012, 10:56am

Çdo ditë një temë NËSE PS NUK VOTON MË 6 GUSHT, EDI RAMA BËHET « HARAKIRI » Nga ELIDA BUÇPAPAJ
E Martë, 07.17.2012, 12:31pm

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ

In Memoriam BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ
E Martë, 06.05.2012, 07:34am

SHQIPËRISË I DUHET PRESIDENTI NË MËNYRË EKSPLICITE SIPAS PROFILIT TË JOACHIM GAUCK Nga ELIDA BUÇPAPAJ
E Enjte, 05.17.2012, 02:07pm

DY FJALË PËR TAKIMIN E MBRËMSHËM TEK OPINION RAMA-FEVZIU ME DESTINACION ILIR METËN

Nga ELIDA BUÇPAPAJ