Voal-online – Hekurudhat Federale të Zvicrës ndërmorën sot, e hënë, tenderin për 59 trena të linjave të gjata (Intercity e InterRegion), për një investim të barbartë me 2,1 miliardë franga. Kjo është blerja më e madhe në histori.

„Respektojmë premtimin dhe investojmë sërish në favor të klientelës,“ lexohet në komunikatën e Hekurudhave Federale të Zvicrës, të cilat deri në vitin 20030 do të shpenzojnë 20 miliardë franga në pajisjet për hekurudhat.

Prej dhjetorit të vitit 2004 numri i udhëtarëve është rritur me 30%, ndërsa oferta e trenave është rritur vetëm 26%. Në njëzet vitet e ardhshme parashikohet që oferta të shtohet me 50%.

Voal-online – UBS ua heq mbështetjen financiare partive politike, “një vendim që justifikohet derisa banka nuk varet nga ndihma e Shtetit Â», ka thënë presidenti i ri i këshillit administrativ Kaspar Villiger në Sonntagblick.

Ish këshilltari federal ka saktësuar më tej se kjo masë është përshtatur para se ai të fillonte detyrën.

Zyrtarisht, sipas deklaratës së zëdhënëses së institucionit financiar Sabine Jaenecke, "Unioni i Bankave Zvicerane (UBS) është duke rishqyrtuar zotimet e marra me formacionet politike". Gjithsesi, gazeta e të dielave thotë se vendimi, marrë nga paraardhësi i Villiger, Peter Kurer, është përfundimtar.

Voal-online – Andreas Notter, i dërguari i Komitetit Ndërkombëtar të Kryqit të Kuq, sekuestruar tre muaj më parë nga kryengritësit muslimanë në jug të Filipineve, është liruar.

Zvicerani nga Argau, 37 vjeçar, është braktisur nga pengmarrësit e tij gjatë një situate të përballjes me trupat e rregullta filipinase.

Pas lirimit, në komunkimet me të afërmit dhe me mediat, Andreas Notter ka deklaruar ndërkohë se është në gjendje shumë të mirë shëndetësore dhe se gjatë pengmarrjes nuk është keqtrajtuar. Pritet që në ditët e ardhshme Notter të marrë vendimin nëse do të vazhdojë të qëndrojë me familjen në Filipine dhe ta vazhdojë misionin e tij në kuadrin e Komitetit Ndërkombëtar të Kryqit të Kuq.

Voal-online – Për ta shëndoshur plagën e papunësisë në radhët e të rinjve, socialistët kërkojnë masa të menjëhershme. Midis propozimeve është një marrje 1% prej pagave mujore më të larta se 126 000 franga zviceranë, një përmirësim i pagave mujore të të rinjve me 500 franga zvicerane, si dhe thirrja e një tavoline të rrumbullakët midis partive, partnerëve socialë dhe Këshillit Federal.

Për këshilltaren nacionale Pascal Brauderer (Argau), „është e nevojshme që të veprojmë menjëherë për t’i mbajtur të rinjtë sa më pranë tregut të punës që të jetë e mundur.“ Me një plan të tretë kërkohet nga PS që Qeveria ta nxitë shtetin si dhe ndërmarrjet private për t’i mbrojtur të rinjtë e punësuar pranë tyre dhe për ta inkurajuar arsimimin e mëtejshëm të tyre.

Voal-online – Popullsia helvetike brenda vitit 2030 do të jetë rritur nga 7,7 milionë në 8,3 milionë veta: rritjen më të madhe, sipas vlerësimeve të publikuara nga Zyra Federale e Statistikave sot, e enjte, e regjistronnë Cug (Zug).

Vetëm tri janë kantonet që nuk preken nga dukuria e rritjes së popullsisë në vitet e ardhshme. Ato janë Bazeli Qytet, Glarusi dhe Uri, ku do të ketë një rënie të popullsisë nga 0,5 për qind deri në 5 për qind.

Voal-online - Roger Federer është zyrtarisht jashtë tregut të beqarëve. Kampioni I tenisit shpalli në vebsajtin e tij se ai u martua me të fejuarën e tij të një kohe të gjatë dhe ish lojtare e federatës botërore të tenisit WTA, Miroslava "Mirka" Vavrinec, në Zvicër të shtunën. "Sot në mëngjes, në qytetin tim Bazel, rrethuar nga një grup i vogël miqsh të ngushtë dhe nga familja, Mirka dhe unë u martuam. Ishte një ditë tejet e bukur pranvere dhe një rast pabesueshmërisht gëzimsjellës,” shkruante Roger Federer në blogun e tij. "Zotëria dhe Zonja Roger Federer ju dëshirojnë ju fundjavë të lumtur Pashkësh,” iu uron të gjithëve tenisti. Muajin e shkuar, Federer, fitues i 13 Grand Slam (garave të mëdha të federatës botërore të tenisit) shpalli se ai dhe Mirka janë duke pritur fëmijën e parë, djalë, I cili do të lindë në verë. Ata u njohën për herë të parë në Lojërat Olimpike të Sidneit 200 ku të dy përfaqësonin Zvicrën.

Voal-online  - Gazeta zvicerane në frëngjisht “Le Matin” boton sot, e shtunë, një intervistë me ministren e ekonomisë Doris Leuthard. Në këtë intervistë Leuthard ka theksuar se situata për sa i përket papunësisë nuk është e rëndë. Më shqetësues, sipas ministres së ekonomisë, është përkeqësimi i fuqisë blerëse i parashikuar për vitin e ardhshëm. «Është shumë e rëndësishme, Â» ka theksuar ajo, «që pavarësisht rritjes së kostos së jetesës, njerëzit me rroga ta vazhdojnë jetën e tyre si më parë Â». Të rinjve që i mbarojnë studimet në vitin 2010 ministrja e ekonomisë iu ka rekomanduar të ndërmarrin një formim arsimor «edhe jashtë vendit Â». Papunësia në Zvicër është 3,4 për qind, në një kohë që në vendet e hapësirës Euro kjo shifër është 8,4 për qind, ndërsa në SHBA ajo ka arritur në 10,4 për qind.

Voal-online – Bëhet e ditur se Organizata për Bashkëpunim dhe Zhvillim Ekonomik iu përgjigj kritikave të bëra nga ana e Zvicrës lidhur me renditjen në listën e parajsave fiskale.

Në një letër që ia ka dërguar Hans Rudolf Mercit (Hans-Rudolf Merz) sekretari i përgjithshëm i OECD-së Anel Gurria saktëson se kjo organizatë„nuk ka ndërmend ta përfshijë Konfederatën në kurrfarë liste të zezë“. Dokumenti mban datën 2 prill dhe është redaktuar gjatë punimeve të G-20.

Gurria shton gjithsesi se deri tani Berna nuk ka arritur një marrëveshje mbi shkëmbimin e informacioneve fiskale që do t’i kënaqte kriteret e OECD-së.